Sunday, February 12, 2012

ကြားဖြတ်ရွေးကောက်ပွဲ နှင့် အောင်ဆန်းစုကြည် ကို Endorse မလုပ်နိုင်တော့သူများ

Fcebook မှာတစ်ယောက်က tagged လုပ်လိုက်လို့  “ဘာကိုပြင်မှာလဲဒေါ်အောင်ဆန်းစုကြည်” ဆိုတဲ့ ဆောင်းပါးကိုဖတ်ရတယ်။ 

ကျနော့်အမြင်ဒီစာဟာလွှတ်တော်နိုင်ငံရေး မွေးဖွားလာပြီးတဲ့အချိန်ကနေယခု အထိကာလအတွင်းလက်တွေ့ နိုင်ငံရေး(Real politics) နဲ့ ပါတ်သက်လို့ 
အတော်အသားပါတဲ့ ဆောင်းပါး တပုဒ်ဖြစ်တယ်။ ပြန်လှန်ဆွေးနွေးထိုက်တယ်လို့ ယူဆပါတယ်။

ပထမပြောချင်တာက NLD နဲ့ စစ်အစိုးရတို့ ရဲ့နိုင်ငံရေးခရီးတလျှောက်ဆက်ဆံရေး မှတ်တမ်းကိုတိုတိုတုပ်တုပ် နဲ့ တိတိကျကျခြေရာကောက်ပြထားတာချီးကျူးစရာဖြစ်ကြောင်းပါ။ 
မြန်မာဘာသာစကားနဲ့ ရေးတဲ့ဒီနိုင်ငံရေးဆောင်းပါးမှာဂရပ်ဖစ်တွေဘာတွေနဲ့ 
အထင်ကြီးလောက်စရာရှင်းလင်း တင်ပြထားတာကိုလဲတွေ့ ရတယ်။ အပင်ပမ်းခံပြီးကျိုးစားပမ်းစားလုပ်ပြထားတော့ကွက်ကွက်ကွင်းကွင်းရှိတယ်။ သို့ သော်သူပြောလိုတဲ့အချက်က (ဘယ်နည်းနဲ့ တွက်တွက် NLD သည်လွှတ်တော်ထည်းမှာလူနည်းစုဖြစ်မည်။ လွှတ်တော်တွင်းကနေ
ဥပဒေကိုပြင်မယ်ဆိုတာမဖြစ်နိုင်) ဒါတွေမပါဘဲနားမလည်လောက်အောင်တော့ မခက်ခဲလှပါဘူး။

ဆောင်းပါးရဲ့ပထမတင်ပြချက်ကတော့ NLDဟာလွှတ်တော်ထည်းမှာအတိုက်အခံဖြစ် မလာနိုင်ဘူးဆိုတဲ့ အချက်ပါ။

ဒုတိယနဲ့ အဓိကအချက်ကတော့အောင်ဆန်းစုကြည်ရဲ့ရွေးကောက်ပွဲဝင်ရေးအကြောင်းပြချက်ဖြစ်တဲ့ ‘ဖွဲ့ စည်းပုံအခြေခံဥပဒေကိုပြင်ရေး’ ဆိုတာဖြစ်နိုင်စရာမရှိလို့ ဆိုပါတယ်။ ဆက်ရေးတဲ့အသေးစိတ်တွေက လဲဒီနိဂုံးချုပ်ကိုအားဖြည့်တဲ့တွက်ချက်ပြထားတာတွေပါ။ အားကောင်းတဲ့ကောက်ချက်တွေလဲပါတယ်ပေါ့။ 

ဥပမာ -
ကောက်ချက် (၁) ကြားဖြတ်ရွေးကောက်ပွဲနိုင်လဲဒီနှစ် (၂၀၁၂) ထဲမှာတော့အိမ်မှာငုတ်တုပ်ထိုင်နေယုံက လွဲလို့ ဘာမှ လုပ်စရာမရှိ။ နောက်ကျန်သေးတဲ့ (၂၀၁၅ ခုနှစ်အထိ) သုံးနှစ်ကျတော့လဲအောက်ဖေါ်ပြပါ ကောက်ချက် (၂) ပါအတိုင်း -

ကောက်ချက် (၂) NLD နေရာအားလုံးနိုင်တောင်လွှတ်တော်ထဲမှာ ၉% ပဲရှိတယ်။ ဒါကြောင့်အတိုက်အခံ အနေအထားနဲ့ လွှတ်တော်ထည်းမှာမရပ်တည်နိုင်။ (ဘာမှထိထိရောက်ရောက်မလုပ်နိုင်)

ဆောင်းပါးရှင်က - 
ကြားဖြတ်ရွေးကောက်ပွဲအပြီး ပြည်သူ့လွှတ်တော်မှာ အန်အယ်ဒီက လစ်လပ် နေရာ ၄၀လုံးနုိုင်တောင်ကြံ့ဖွံ့အမတ်တွေက ၅၀%နဲ့ ပြည်သူ့လွှတ်တော်ကုို ဆက်ပြီးလွှမ်းမုိုးထား ဦးမှာဖြစ်တယ်။ ဒါကြောင့် အန်အယ်ဒီ အနေနဲ့ ကြားဖြတ်ရွေးကောက်ပွဲမှာ ပြည်သူ့လွှတ်တော်လစ်လပ်နေရာ ၄၀လုံး နုိုင်မယ် ဆုိုရင်တောင်ပြည်သူ့လွှတ်တော်ထဲမှာ ဘာမှပြောခွင့်မရမှာသေချာနေတယ်။ ဒီအချက်ကအန်အယ်ဒီဟာ အတုိုက်အခံအနေအထား နဲ့ပြည်သူ့လွှတ်တော်မှာမရပ်တည်နုိုင်တာညွှန်ပြနေတယ်။”  - လို့ ဆိုပါတယ်။

ဆောင်းပါးရှင်ကသူ့ ရဲ့ကောက်ချက် (၂)  ကိုလာမဲ့ကြားဖြတ်ရွေးကောက်ပွဲအားဖြင့်ရလာမဲ့ရလဒ်တစ်ခုတည်း အပေါ်မှာအခြေပြုပြီးတွက်ပြထားတယ်။

သမိုင်းကြောင်းမပါတဲ့တက္ကိကသဘောသက်သက် (metaphysical conclusion based on speculative  and abstract reasoning) သုံးသပ်ချက်မျိုးဟာနားလည်ရလွယ်ကူတဲ့၊ ရိုးစင်းတဲ့နိဂုံးချုပ်ကိုပေးလို့ ကြိုက်တဲ့လူတွေ ရှိပါတယ်။ ဒါပေမဲ့သမိုင်းကြောင်း
(historical contexts) နဲ့ တိုက်ဆိုင်စစ်ဆေးကြည့်တဲ့အခါလက်တွေ့ နဲ့  ကွာဟ နေတတ်တယ်။

ပထမဆုံးပြောချင်တာကလာမဲ့ကြားဖြတ်ရွေးကောက်ပွဲဟာနိုင်ငံရေးဖြစ်စဉ်ကြီးတစ်ခုလုံးရဲ့
လမ်းကြောင်းကို ပြောင်းလဲသွားစေမဲ့အရေးကြီးတဲ့ပွဲမဟုတ်ဘူး။ မြန်မာ့နိုင်ငံရေးကိုအလှည့်
အပြောင်းဖြစ်စေတဲ့ကိစ္စနှစ်ခုက တော့၁၉၉၀ ရွေးကောက်ပွဲနဲ့ ၂၀၁၀ ရွေးကောက်ပွဲတို့ သာဖြစ်တယ်။ အဲဒါတွေကပြီးသွားကြပြီ။
-        
    ၁၉၉၀ ရွေးကောက်ပွဲကခေတ်ကိုမပြောင်းလဲနိုင်ခဲ့ပေမဲ့ NLD ကိုမြန်မာကောကမ္ဘာကပါတညီတညွတ် တည်းအသိအမှတ်ပြုတဲ့အဓိကအတိုက်အခံနိုင်ငံရေးအင်အားစုအဖြစ်ကျန်စေရစ်တယ်။ (putatively national political opposition)။
-      ၂၀၁၀ ရွေးကောက်ပွဲကတော့လွှတ်တော်နိုင်ငံရေးကိုမွေးဖွားပေးခဲ့တယ်။ 
    ဒါပေမဲ့လဲမပီပြင်တဲ့ရွေး ကောက်ပွဲကနိုင်ငံရေးအတိုက်အခံအသစ်မွေးဖွားမပေးခဲ့ဘူး။
    မနှစ်ကပေါ်လာတဲ့အသစ်စက်စက်လွှတ် တော်ဟာသူ့ ဖွားဘက်တော်အဖြစ်အတိုက်အခံမယ်မယ်ရရ
 ပါ မလာခဲ့ဘူး။ အင်္ဂါမစုံတဲ့လွှတ်တော် ဖြစ်လာတယ်။ဆောင်းပါးရှင်တင်ပြထားတဲ့ပထမဂရပ်ဖစ်စက်ဝိုင်းကိုကြည့်ရင်အဲဒီလိုတကယ့်အတိုက် အခံမရှိဖြစ်နေတဲ့အချက်ကသိသာတယ်။ ရလဒ်ကတော့မပီပြင်တဲ့ဒီမိုကရေစီပေါ့။
ပီပြင်တဲ့နိုင်ငံရေးအတိုက်အခံသစ်မွေးဖွားပါမလာတဲ့အတွက်ရှိနေတဲ့ 
၁၉၉၀ ရွေးကောက်ပွဲဟောင်းအရမွေးဖွားခဲ့တဲ့နိုင်ငံရေးအတိုက်အခံဟောင်းဟာ
ဆက်ပီးတော့တရားဝင်နေတယ်။ တချိန်ထဲမှာပဲအဲဒါကလွှတ်တော်ပြင်ပ မှာရောက်နေတယ်။ ပီပြင်တဲ့ဒီမိုကရေစီဖြစ်လာဖို့ အတွက် (ဒါမှနိုင်ငံတကာကသံသယကင်းပြီးအစစအရာရာ အဆင်ပြေမှာ) ၁၉၉၀ရွေးကောက်ပွဲကမွေးထုတ်ပေးခဲ့တဲ့ NLD နဲ့ အောင်ဆန်းစုကြည်ကိုပြန်သုံးဖို့ လိုလာတယ်။ 

ဒါကြောင့်လဲဦးသန်းစိန် အစိုးရသစ်က NLD ကို (၁၉၉၀) အတိုက်အခံကိုလွှတ်တော်ထည်းဝင်လာပါလို့ ဖိတ် တာဖြစ်တယ်။ NLD မပါ ဘဲလဲလွှတ်တော်ကြီး တကယ်အပြည့်အ၀တရားဝင်နေယင်ဘယ်ဖိတ်လိမ့်မလဲ။ လက်တွေ့  မှာ NLD ရဲ့ပူးပေါင်းဆောင်ရွက်လာမှုကြောင့်သာလမ်းပြမြေပုံတစ်ခုလုံးကမ္ဘာ့အမြင်မှာပို တရားဝင်လာတာဖြစ်တယ်။

ဒါကြောင့် NLD ပါတီကအောင်ဆန်းစုကြည်တစ်ယောက်ထည်းလွှတ်တော်ထည်းရောက်သွားယင်တောင်သူမ သည်အဓိကနိုင်ငံရေးအတိုက်အခံအနေအထားမှာရှိနေလိမ့်မယ်။ ကျန်တဲ့ဒီမိုကရေစီဆက်လက်တိုးချဲ့ ရေး လွှတ်တော်တွင်းအင်အားစုတွေကသူတို့ လုပ်ချင်တာတွေကိုသူမကိုခေါင်းဆောင်ထားပြီးတိုက်မှာပဲ။ သူတို့ ပါတီ ဘောင်တွေကိုအဓိကမထားဘဲ issue by issue / ad hoc basis နဲ့ ပူးပေါင်းဆောင်ရွက်သွားကြမဲ့သဘောပေါ့။ ဒီတော့ကျနော်ရဲ့ တန်ပြန်ငြင်းခုံချက်(counter argument) ကတော့ “လွှတ်တော်ထဲကိုသာအောင်ဆန်းစုကြည် ရောက်ပါစေ၊ ဘယ်နှစ်ရာခိုင်နှုံးဖြစ်ဖြစ်နိုင်ငံရေးအတိုက်အခံလုပ်နေသူတွေရဲ့ခေါင်းဆောင်- တနည်းအားဖြင့် လုပ်ငန်းတူတွေရဲ့ အတိုက်အခံခေါင်းဆောင်ဖြစ်လာလိမ့်မယ်ဆိုတာပါဘဲ။”

လွှတ်တော်တွင်းမှာစကားပြောခွင့်ရဘို့ ဟာကိုယ်တင်မဲ့ခေါင်းစဉ်ကိုလွှတ်တော်ရဲ့ ၂၀ % ကဆွေးနွေးရန်လက္ခံ မခံအပေါ်မှာမူတည်တယ်။ ကိုယ့်ပါတီကအမတ်ဦးရေကလွှတ်တော်ရဲ့ ၂၀% မရှိယင်ဘယ်လိုလုပ်ပြီးဆွေးနွေး ဘို့ တောင်အဆိုနိုင်နိုင်မလဲလို့ ဆောင်းပါးရှင်ကမေးထားတယ်။ ဒီတွေးခေါ်ပုံဟာပါတီနိုင်ငံရေးစံနစ်အသားကျ ပြီးသား၊ပါတီလိုင်း/ဘောင်ကိုမကျော်တဲ့တိုင်းပြည်တွေမှာမှန်ပါတယ်။ နိုင်ငံရေးပါတီစံနစ်၊ လွှတ်တော်ဘာတစ်ခု မှအသားမသေသေးတဲ့ပစ္စက္ခမြန်မာနိုင်ငံမှာတော့တထစ်ချတွက်လို့ မရဘူး။ ပြီးခဲ့သမျှလွှတ်တော်အစည်းအဝေး တွေမှာပါတီဘောင်ကိုဂရုမစိုက်ဘဲကိုယ်ယုံကြည်ရာမဲပေးခဲ့တာမျိုးတွေအတော်အတန်ရှိခဲ့တယ်။ စစ်တပ်ကိုယ်စားလှယ်တွေတောင်လွပ်လပ်စွာမဲပေးတဲ့သာဓကတွေရှိနေတယ်။ နိုင်ငံရေးအပြောင်းအလဲအနယ်မထိုင်သေး တဲ့အချိန်မှာဘယ်သူမှသမိုင်းတရားခံသစ်တွေမဖြစ်လိုကြတဲ့စိတ်ထားကမိမိရဲ့ပါတီကို၊ မိမိတို့ ရဲ့တပ်မှုးကို မျက်စိ မှိတ်သစ္စာရှိရေးထက်သာနေသေးတယ်။

အင်မတန်သင့်မြတ်လျှော်ကန်ပြီးတိုင်းပြည်ကစိတ်ဝင်စားနေတဲ့ hot issue တစ်ခုခုကိုလွှတ်တော်ထည်းမှာ ဆွေးနွေးဘို့ လောက်ကိုအောင်ဆန်းစုကြည်
(လိုလွှတ်တော်ကိုယ်စားလှယ်က)အဆိုပြုတာကိုပါယ်ချမယ်ဆိုရင် ပြဿနာကြီးပါလိမ့်မယ်။ 

ဘယ်လိုလုပ်ပီးပြဿနာကြီးလာနိုင်သလဲဆိုရင် -
ဒီမိုကရေစီစံနစ်မှာ လွှတ်တော်တွင်းနိုင်ငံရေးနဲ့ လွှတ်တော်ပြင်ပနိုင်ငံရေး ၂ခုအကြားဆက်ဆံရေးဟာဆုံလည် တံခါးဆက်ဆံရေး (revolving door relationship) ပါ။ (လွှတ်တော်ပြင်ပနိုင်ငံရေးရဲ့အဓိကတလင်းပြင်ကတော့
မီဒီယာပါ။ တခြားနိုင်ငံတွေမှာ NGO politics နဲ့  Lobby politics တွေပါ ရှိနေပေမဲ့မြန်မာနိုင်ငံမှာဒီဟာတွေ အားမကောင်းသေးဘူး)။ ဒီကနေ့ လွှတ်တော်ပြင်ပနိုင်ငံရေးမှာအပူတပြင်း ဖြစ်နေတဲ့ issues တွေဟာ

နောက်တနေ့  လွှတ်တော်ကြမ်းပြင်ပေါ်ကိုရောက်သွားနိုင်ပါတယ်။

ဒီလိုနဲ့ လွှတ်တော်ထည်းမှာရှုံးနိမ့်ခဲ့တဲ့ကိစ္စတစ်ခုဟာနောက်နေ့ တွေမှာအွန်လိုင်းစာမျက်နှာတွေ၊ တီဗီဖလ်
သားပြင်တွေ၊ လမ်းမတွေပေါ်မှာပေါ်မှာပေါက်ကွဲထွက်လာ၊ ကမ္ဘာတပါတ်-ပါတ်ပြီးနောက်တစ်ကြိမ်လွှတ်တော်
ကြမ်းပြင်ကို ပြန်ရောက်လာနိုင်ပါတယ်။ “လွှတ်တော်”နဲ “့လွှတ်တော်ပြင်ပ” အသွားအပြန်တကြိမ်နဲ့ မလုံ

လောက်ရင် အကြိမ်ကြိမ်ကူးချေသန်းချေလုပ်ပြီးတိုင်းပြည်ကလက်ခံထဲအဆင့်ကိုတနည်းနည်းနဲ့ ရောက်သွား တာပဲ။
လွှတ်တော်တွင်းနိုင်ငံရေးဆိုတာ decision making အပိုင်းပါ။ လွှတ်တောာ်ပြင်ပနိုင်ငံရေးဆိုတာ cooking up
အပိုင်းပါ။ ဒီနှစ်ခုတဆက်တည်းဖြစ်ပါတယ်။  


လွှတ်တော်ပြင်ပနိုင်ငံရေးမှာအားကောင်းပြီးသားဖြစ်နေတဲ့ NLD လိုနိုင်ငံရေးအင်အားစုတစ်ခုဟာလွှတ်တော်
ထဲမှာခြေကုတ်ကလေးရနေယုံနဲ့ တင်လွှတ်တော်ကိုလက်ဝါးကြီးအုပ်ထားနိုင်ပေမဲ့လွှတ်တော်ပြင်ပနိုင်ငံရေး
မှာသူ့ ကိုမယှဉ်သာတဲ့နိုင်ငံရေးအင်အားစုကိုကျော်လွှားပြီးမိမိရဲ့နိုင်ငံရေးအာဂျင်ဒါတွေ (political agendas) တွေကို ခရီးပေါက်အောင်လုပ်နိုင်တယ်။ ဒီလိုတကယ်ဖြစ်ဘို့ အတွက်လိုအပ်ချက် (requirement) ကတစ်ခု တည်းပါ။ တိုင်းပြည်နဲ့ လူထုရဲ့အရေးတကြီးတောင့်တချက်တွေကိုပြတ်ပြတ်သားသားကိုယ်စားပြု ပေးယုံပါဘဲ။ 


ဒီအချက်ကိုမြင်လို့ ဦးကျော်ဆန်းကစတုတ္ထမဏ္ဍိုင်(ပြည်တွင်းကော၊ပြည်ပပါ) ကိုသဲကြီးမဲကြီး စည်းရုံးနေ တာပေါ့။

တကယ်က NLDဟာအတိုက်အခံအနေနဲ့ ပြည်သူ့ လွှတ်တော်မှာမရပ်တည်နိုင်ဘူးဆိုတဲ့တွက်ချက်မှုဟာသင်္ချာ
နည်းအရ တနည်း အမတ်အရေအတွက်အရ (headcount) သာမှန်ကန်တယ်။ အရည်အချင်းအရမဟုတ်ဘူး။ ဒီသင်္ချာကလဲလာမဲ့ကြားဖြတ်ရွေးကောက်ပွဲကလေးတစ်ခုတည်းကိုသာအခြေပြုထားလို့ အတော်ဘောင်ကျဉ်း နေတယ်။


နိုင်ငံရေးလက်တွေ့ မှာ NLD/အောင်ဆန်းစုကြည်ဟာမြန်မာပြည်မှာအဓိကအတိုက်အခံ (putative national   opposition) ဖြစ်နေတာကြာပြီ။ ပြောရယင် ၁၉၈၈ ခုနှစ်ကနေ ကနေ့ အထိဖြစ်တယ်။ ဒါကိုလက်မခံချင်လို့ မရ ဘူး။ ကိုယ်ကလက်မခံလဲပြည်သူ /တိုင်းပြည်ကလက်ခံနေတာအမြင်ဘဲ။ အရပ်သားတွေကော၊ ကျောင်းသား တွေကော၊ တိုင်းရင်းသားတွေကော၊ ဘုန်းကြီးတွေကော၊ နိုင်ငံခြားတိုင်းပြည်တွေကော အားလုံး သူ့ နောက်စု ပြုံလိုက်နေကြလို့  ဒီမိုကရေစီပုံပျက်လာနေပြီလို့ တောင်အနောက်တိုင်း သတင်းစာတွေကသတိပေးယူနေရပြီ။
(Ref: In Burma, ‘Suu Kyi cult’ grows more visible as opposition leader runs for office - Gwen Robinson | Financial Times, Published: January 16 - 2012/ reprinted in Washington Post)

ကမ္ဘာ့ ခေါင်းဆောင်အသီးသီးမြန်မာပြည်လာတာအဓိကအားဖြင့်အောင်ဆန်းစုကြည်ကိုလာတွေ့ တာဖြစ်တယ်။ သူ့ ဆီကိုအစိုးရသစ်အကြောင်းသတင်းမေးလာကြတာဖြစ်တယ်။ ဒါကိုအစိုးရသစ်ကသဘောပေါက်ပုံရတယ်။ ဒါကြောင့်သူမကို(လွှတ်တော်နိုင်ငံရေး)စည်းဝိုင်းထဲကိုသွင်းဘို့ ကျိုးစားတာပဲ။ 

တကယ်ပူရမှာက သူမနဲ့ NLD ကြံ့ဖွံ့ လွှမ်းမိုးနေတဲ့လွှတ်တော်မှာအရာမရောက်ဖြစ်မှာကိုမဟုတ်ဘဲအစိုးရသစ်ကသူမဆီကလာမဲ့အန္တရယ်ကို ရှောင်ချင်လို့ သူမကိုရာထူးပေးပြီးအစိုးရအဖွဲ့ ထည်းဆွဲသွင်းလိုက်မှာကိုသာဖြစ်တယ်။
ဒါကြောင့်အောင်ဆန်းစုကြည်ကို “လူ” ကိုသော်၎င်း၊ သူမရဲ့နိုင်ငံရေးစတိုင်ကိုသော်၎င်း ခင်ဗျားတို့ ကျနော်တို့  အထင်မကြီးတာကကိစ္စတစ်ခုဖြစ်ပီး၊ အရှိ/အဖြစ်ကို အရှိ/အဖြစ်အတိုင်းလက်ခံရမှာကသီးခြားကိစ္စတစ်ခုဖြစ် နေတယ်။ ဒီတော့လာမဲ့ကြားဖြတ်ရွေးကောက်ပွဲမှာ NLD ကနေသူမတစ်ယောက်ထည်းပဲအရွေးခံရတယ်ဆိုရင် တောင်အဲဒီ “တစ်” ဟာ ‘မှု’ ရမဲ့ “တစ်” ဖြစ်တယ်။ 

အမွှမ်းတင်ရာရောက်လို့ ဥပမာမပေးချင်ပေမဲ့အီစွပ်ပုံပြင်တွေ ထဲကစကားတစ်ခွန်းကိုယူသုံးရယင် “တစ်ကောင်တော့ တစ်ကောင်ထဲပဲ - ဒါပေမဲ့ ခြင်္သေ့” ဖြစ်နေတယ်။
လာမဲ့ကြားဖြတ်ရွေးကောက်ပွဲက အဲဒီ ‘တစ်’ ကိုဘုရားငယ်တစ်ဆူလိုလို၊ မင်းသမီးတစ်ပါးလိုကိုးကွယ်နေတဲ့ လူအုပ်ကြီးတွေနဲ့ နိုင်ငံရေးတဇောက်ကမ်းတွေရဲ့လက်ခုပ်ထဲကနေကယ်ထုတ်ပီးလွှတ်တော်ထည်းမှာအလုပ် လုပ်နေနှင့်ကြပီဖြစ်တဲ့လူတွေနဲ့ ချိပ်ဆက်ပေးလိမ့်မယ်။ အဲဒီအခါမှာအောင်ဆန်းစုကြည်ဟာ “လူမတတ်ပေမဲ့ -လ္ဘက်ထုပ်တတ်” တဲ့အခြေအနေမျိုးဖြစ်လာမယ်။

ဒီနောက်မှာတော့အောင်ဆန်းစုကြည်ရဲ့ရွေးကောက်ပွဲကြွေးကျော်သံ (election platform) ကိုဆောင်းပါးရှင် ကချေဖျက်တဲ့အပိုင်းပါ။ “ပြင်လို့ ရပါ့မလား” ဆိုတဲ့ခေါင်းစဉ်ငယ်အောက်မှာဒီဥပဒေကိုပဲသုံးပြီးပြင်လို့ မရနိုင်တဲ့ အကြောင်းအရှည်ကြီးရှင်းပြထားတယ်။

အသေးစိတ်ပီးကွက်ကွက်ကွင်းကွင်းတင်ပြချက်ဖြစ်နေလို့ သာမန်စာ ဖတ်သူများအဖို့ လက်မခံလို့ မဖြစ်နိုင်သလောက်ပါ။ မှန်ပါတယ်။ သူခင်းတဲ့ Analytical framework (AF) ကိုလိုက်နင်းနေမိယင်တော့ဒါဟာတကယ့်ကိုငြင်းကွက်ပျောက်နေတဲ့တင်ပြချက်ပါ။
ပိုပြီးသတိပြုသင့်တာက ဆောင်းပါးရှင်ကဘယ်အချက်ကိုပြင်စေချင်နေတာလဲဆိုတာနဲ့ ဘယ်လိုပြင်စေချင်တယ်
ဆိုတာပါ။ သူ့ စာအရ

သူပြင်စေချင်တာက = “အနာဂတ် အမျိုးသားနိုင်ငံရေး ဦးဆောင်မှု အခန်းကဏ္ဍတွင် တပ်မတော်က ပါဝင်ထမ်းဆောင်ရေး”
စာဖတ်သူတွေအာရုံကိုအမိဖမ်းထားတဲ့အချက်က = အခြေခံဥပဒေကိုသုံးပီးအဲဒီဥပဒေကိုပဲပြင်တဲ့နည်း
 

သူ့ အဖြေက = ဒါဘယ်လိုမှမဖြစ်နိုင်ဘူး - အောင်ဆန်းစုကြည်ပြည်သူကိုလိမ်နေတာမဟုတ်ရင် -  ကိုယ်တိုင်က “တုံး” တာ (ဒီလောက်ရှင်းနေတဲ့ကိစ္စမှာ အလိမ်မိနေတာ)
 

စာဖတ်သူတွေရင်ထဲမှာကျန်ရစ်စေချင်တဲ့ခံစားချက်က = ထိပ်တိုက်ရင်ဆိုင်ရေးလမ်းကြောင်း
ဟောင်းပေါ် (လမ်းမတွေပေါ်ပြန်တက်တဲ့နည်း
/တော်လှန်ရေးနည်း) ကလွဲလို့ တခြားမရှိ။

ပြောရမှာအားနာပေမဲ့ဒါဟာသိပ်ကို “ဗကပ” လေသံပေါက်နေတယ်။ “အောင်ဆန်းစုကြည်ကိုဝန်းရံကြ” မဟုတ်တော့ဘဲ “အောင်ဆန်းစုကြည်ကိုအတင်းကန်ချ” ဖြစ်လာနေပြီ။ အောက်မှာဖတ်ကြည့်ပါ -

အခြေခံဥပဒေ ၂၀၀၈ ကုို ဒီမိုကရေစီစံနဲ့ အကဲဖြတ်မယ်ဆုိုရင် အနာဂတ် နိုင်ငံတော်၏ အမျိုးသားနိုင်ငံရေး ဦးဆောင်မှု အခန်းကဏ္ဍတွင် တပ်မတော်က ပါဝင်ထမ်းဆောင်ရေး  ဆုိုတဲ့အချက်ပါနေသမျှဒီမိုကရေစီနည်း ကျတယ်လုို့ မပြောနုိုင်သလုို ဒီအခြေခံဥပဒေကုို အခြေခံတဲ့ လွှတ်တော်နုိုင်ငံရေးနဲ့သွားနေသမျှ ဒီမိုကရေစီပန်းတုိုင်ကုို မရောက်နုိုင်တာ ထင်ရှားနေတယ်။
ဒါကြောင့် အနာဂတ် နိုင်ငံတော်၏ အမျိုးသားနိုင်ငံရေး ဦးဆောင်မှု အခန်းကဏ္ဍတွင် တပ်မတော်က ပါဝင်ထမ်းဆောင်ရေး  ဆုိုတဲ့အချက်ကုို မုချ ပြင်ဖို့လုိုတယ်။ ဒီအချက်ကုို ပြင်မယ်ဆုိုရင်လဲ
လွှတ်တော်နုိုင်ငံရေးမှာ စစ်တပ်က ၂၅% ပါဝင်ရေးကို ပြင်မှ ဖြစ်မယ်။ ”
နုိုင်ငံရေးမှာ စစ်တပ်နဲ့ လက်တွဲလုပ်မှဖြစ်မယ်လုို့ ဒေါ်စုယုံကြည်တယ်ဆုိုရင်လဲ လွှတ်တော်နုိုင်ငံရေးမှာ စစ်တပ်က ၂၅% ပါဝင်ရေးကို ပြင်စရာမလုိုဆုိုတဲ့ အဓိပ္ပါယ်ဆောင်သွားမယ်။ ဒါဆုိုရင် အနာဂတ် နိုင်ငံတော်၏ အမျိုးသားနိုင်ငံရေး ဦးဆောင်မှု အခန်းကဏ္ဍတွင် တပ်မတော်က ပါဝင်ထမ်းဆောင်ရေး  ဆုိုတဲ့အချက်ကုို လက်ခံတာနဲ့ အတူတူဖြစ်မယ်။ ဒီ mindset နဲ့သွားရင် ဒီမိုကရေစီနည်းမကျတဲ့ အခြေခံဥပဒေ ၂၀၀၈ ကုိုကုိုင်ပြီး ဒီမိုကရေစီပန်းတုိုင်ရောက်အောင် သွားမယ်ပြောနေသလုိုဖြစ်မယ်။ ဒါဆုိုရင် ပြည်သူကုို လိမ်ပြောသလုို မျှော်လင့်ချက် တလွဲတွေ ပေးသလုို ဖြစ်မယ်။

ဆောင်းပါးရှင်ကဥပဒေပြဌန်းချက်တွေ (letters of the law) အပေါ်အခြေခံပြီးသူ့ argument ကိုတည်ဆောက် ထားတယ်။ ကျနော့်အနေနဲ့ သူ့ ရဲ့အဲဒီ framework ကိုလက်မခံနိုင်ဘူး။ 

ဘာဖြစ်လို့ လဲဆိုတော့ သူ့  AF ကို လက်ခံရင်တော့သူပြောထားတဲအတိုင်း ဥပဒေကိုပြင်လို့ ရမှာမှမဟုတ်ဘဲ။ ဘောင်ကသိပ်ကျဉ်းနေ တယ်။  
ကျနော်ကစာအုပ်ထဲမှာရေးထားတဲ့စာဥပဒေ (code) ကို“ရလဒ်”လို့ မြင်တယ်။ ဖြတ်သန်းခဲ့တဲ့နိုင်ငံရေးလမ်း ကြောင်းကသာအကြောင်းရင်းပါ။ အဲဒီအထိပြန်လိုက်မှဥပဒေကိုပြင်နိုင်စရာအစကိုရှာလို့ တွေ့ မှာဖြစ်တယ်။

တကယ်ကအခုပြင်လို့ မရနိုင်ဘူးလို့ ပြောနေတဲ့အခြေခံဥပဒေဟာအခုလိုစာအုပ်ထဲကိုရောက်လာတဲ့အချိန်မှာ အတော်အသင့်အပြင်ခံခဲ့ရပြီးပါပြီ။ ၁၉၉၃ ခုနှစ်ကစပြီး ၂၀၀၇ အထိရှည်လျှားခဲ့တဲ့အမျိုးသားညီလာခံကာလ ကိုပြန်သွားကြည့်ပါ။ ဖွဲ့ စည်းပုံရေးဆွဲရာမှာအခြေခံရမဲ့မူ (၁၀၄) ချက်ထဲမှာ “နိုင်ငံတော်သမတသည်စစ်ရေး
အတွေ့ အကြုံ ရှိသူဖြစ်ရမည်” လို့ မူလကပါရှိခဲ့တာပါ။ 


ဆိုလိုတာကစစ်ဗိုလ်ချုပ်(ဟောင်း)ဖြစ်ကိုဖြစ်ရမယ်ပေါ့။ သမတရဲ့တန်ခိုးအာဏာ ကိုလဲအမေရိကန်သမတလိုအပြည့်အ၀အပ်နှင်းပေးရေးစီမံထားခဲ့တယ်။
အဲဒီအချက်အပေါ်အမျိုးသားဒီမိုကရေစီအဖွဲ့ ချုပ်ရဲ့သပိတ်မှောက်ရေးဆုံးဖြတ်ချက်ကိုမနာခံဘဲညီလာခံကိုဆက်
တက်ခဲ့တဲ့ G -7 အုပ်စုအမည်ရဦးကြည်ဝင်း(မင်္ဂလာဒုံ NLD အမတ်) ပါခြောက်ဦးတို့ နဲ့ တိုင်းရင်းသားကိုယ်စား လှယ်တော်တွေထည်းကဒေါက်တာတူးဂျာ (KIA), ဒေါက်တာမှုးထန် (ချင်း) အစရှိတဲ့ယခုအခါအမေ့ခံနိုင်ငံရေး သမားတွေက - “ဒါဆိုယင်အရပ်သားထည်းကသမတဖြစ်ဘို့ ရာလမ်းမစမရှိတော့ဘူး” ဆိုပြီးအပြင်းအထန် ကန့် ကွက်ဆွေးနွေးခဲ့ကြတယ်။ (ဒီကာလအတွင်းကျနော်ကိုယ်တိုင်သူတို့ နဲ့  တွေ့ပီးမေးမြန်းကြည့်ခဲ့တာပါ။) တခြားညီလာခံကိုယ်စားလှယ်တစ်ဦးဖြစ်တဲ့တက္ကသိုလ်မြတ်သူကလဲဒီအချက်ကိုအတည်ပြုပါတယ်။

အဲဒီကန့် ကွက်ချက်တွေကြောင့်“သမတသည်စစ်ရေးအတွေ့ အကြုံရှိသူဖြစ်ရမည်” ဆိုတဲ့အချက်ကနေယခုစာ ထဲမှာပါနေတဲ့အတိုင်း “စစ်ရေးအမြင်ရှိသူဖြစ်ရမည်” သို့ ပြောင်းလိုက်တာဖြစ်တယ်။ တစ်ချိန်ချိန်မှာအရပ်သား ကလဲသမတဖြစ်နိုင်လာပြီမို့ မူလကစီစဉ်ထားတဲ့သမတကိုရက်ရက်ရောရောအပ်နှင်းမဲ့
အာဏာတွေကိုလဲပြန်လျှော့ချဘို့ ဆွေးနွေးတာတွေလဲအထိုက်အလျှောက်အောင်မြင်
သွားတယ်ပေါ့။ ဒီလိုနဲ့  ၂၀၀၈ မှာပြည်သူ့ ထံ ဆန္ဒခံယူလိုက်တဲ့ဥပဒေမူကြမ်းဟာသမတကိစ္စမှာ မူလကစစ်တပ်ကမှန်းထားတာကိုအတော်အတန်ရေဆေးချ
ခံထားရတဲ့မူ (watered down version) ဖြစ်လာတယ်။ 

အဲဒီလောက်အတိုင်းအတာအောင်မြင်ရရှိချက်ကို NLD ကညီလာခံကိုသပိတ်မှောက်ထွက်သွားပြီးတဲ့နောက်မှ ကျန်ကိုယ်စားလှယ်တွေကကြိုးစားခဲ့တာပါ။

ဆောင်းပါးပါအမျိုးသားညီလာခံတက်အချိုးအစားပြ ဂရပ်ဖစ် (၂) အရဆိုယင်သူတို့ စုစုပေါင်းဟာအမျိုးသားညီလာခံတစ်ခုလုံးရဲ့ ၁၀% သာရှိတော့တယ်။ ဒီဆယ်ရာခိုင်နှုံးကပဲ ကျန်တဲ့စစ်သားနဲ့ ကြံ့ဖွံ့ ၂ မျိုးပေါင်း ၇၈% နဲ့ ဆွေးနွေးငြင်းခုံပြီးဆိုခဲ့တဲ့ပြင်ဆင်မှုကိုလုပ်နိုင်ခဲ့တာဖြစ်တယ်။

ကျနော်ဟာ ၂၀၀၆ ခုနှစ်အတွင်းကအမျိုးသားညီလာခံတက်နေကြဆဲ ကြံ့ဖွံ့ နဲ့ တစညမဟုတ်တဲ့ အရပ်သား လွှတ်တော်ကိုယ်စားလှယ်ဆယ်ဦးလောက်နဲ့ လေးငါးကြိမ်တွေ့ ပြီးမေးမြန်းစုံစမ်းခဲ့ဘူးတယ်။ သူတို့ အထည်း မှာတိုင်းရင်းသားကိုယ်စားလှယ် (ချင်း၊ကချင်၊ကရင်၊ရခိုင်၊တအောင်းပလောင်) တွေလဲပါတယ်။ မှတ်မှတ်ရရ သူတို့ အားလုံးတညီတညွတ်တည်းပြောတတ်ကြတဲ့အချက်တစ်ခုရှိတယ်။ အဲဒါကတခြားမဟုတ်ဘူးအမျိုးသား ညီလာခံထည်းမှာစစ်ဗိုလ်တွေနဲ့ ဆက်ဆံရတာ - အတူတွဲအလုပ်လုပ်ရတာနဂိုထင်ထားတာနဲ့ တခြားစီဖြစ်ပီး
အဆင်ပြေ၊ နားလည်မှုရှိပြီးလေးစားမှုလဲရှိကြတဲ့အကြောင်း။ ဒီအချက်ဟာတစ်ဦးတည်းကပြောတာမဟုတ် သူတို့ အားလုံးကပြောနေကြလို့ သာကျနော်လက်ခံတာဖြစ်တယ်။

အဲဒါဘာကြောင့်လဲ၊ စစ်ဗိုလ်တွေကတမင်ဟန်ဆောင်ပီးကောင်းပြနေကြတာလားလို့ လဲမေးကြည့်ခဲ့ဘူးတယ်။
 

ဒီအခါမှာသူတို့ အားလုံးကဘဲအဲသလိုမဟုတ်တဲ့အကြောင်းနှစ်တွေနဲ့ ချီပြီးကြာသွားတဲ့အဲဒီညီလာခံမှာ လက်ပွန်းတတီးတွဲလုပ်ကြရင်းအရင်ကသူ့ တို့ မှာရှိနေကြတဲ့စစ်သားကြောက်ရောဂါဘယ်လိုပျောက်
သွားမှန်းမသိလိုက် သလို စစ်ဗိုလ်တွေဘက်ကလဲမူလကအရပ်သားတွေကိုအထင်အမြင်သေးတဲ့၊ မယုံကြည်တဲ့အမြင်တွေပျောက်ကုန်ကာဘက်နှစ်ဘက်အင်မတန်ရင်းနှီးအဆင်ပြေလာကြတာလို့ ဖြေကြတယ်။

သူတို့ ပြောတဲ့အချက်တွေအနက်တခြားအရေးကြီးတဲ့နောက်တစ်ချက်ကသာမန်သူသူကိုယ်ကိုယ်ထင်နေကြ သလိုစစ်ဘက်နဲ့ အရပ်ဘက်နိုင်ငံရေးအမြင်ဘာမှမတူဘူးဆိုတာမဟုတ်ဘဲ၊ တူတာတွေလဲအများကြီးရှိနေတာ ကိုအခုလိုတွဲလုပ်ကြည့် မှအချင်းချင်းအပြန်အလှန်ရှာဖွေတွေ့ ရှိသွားကြတာဆိုတဲ့အချက်ပဲ။

အမျိုးသားပြန်လည်ရင်ကြားစေ့ရေးရဲ့သော့ချက်ဟာ “ယုံကြည်မှုတည်ဆောက်ရေး” ဖြစ်တယ်။ အဲသလိုဖြစ်ပေါ် လာဘို့ ဆိုတာ အလုပ်အတူတူတွဲလုပ်ကြည့်မှဖြစ်လာနိုင်တယ်။ အမျိုးသားညီလာခံကာလကစခဲ့ဘူးတဲ့အလုပ်တွဲလုပ်ရင်းစခဲ့တဲ့ယုံကြည်မှုတည်ဆောက်ရေးဟာ
အခုလွှတ်တော်နိုင်ငံရေးမွေးဖွားလာချိန်မှာပြန်ဆက်မိတယ် လို့ ပြောလို့ ရတယ်။ 

ဒီလိုပြောတဲ့အတွက်လွှတ်တော်တွင်းမှာတပ်က ၂၅% ထည့်ထားတာဟာအဲဒီရည်ရွယ်ချက်အရဖြစ်တယ်လို့ ဆို ချင်တာမဟုတ်ဘူး။ အဲဒါထက်စစ်တပ်ရဲ့အကျိုးစီးပွားကိုကာကွယ်ဘို့ ထည့်ထားတာဆိုတဲ့အချက်ကသာပိုယုတ္တိ ရှိပီး၊ ပိုဖြစ်နိုင်ပါတယ်။ သို့ တိုင်အောင်လဲရေရှည်အလုပ်တွဲလုပ်ကြယင်းအပြန်အလှန်လေးစားမှုတွေဖြစ်ပေါ်၊ သံသယ တွေနည်းပါးသွားပြီးယုံကြည်မှုပါတည်ဆောက်မိရက်သားဖြစ်လာနိုင်တယ်ဆိုတာကလဲ
ဒုတိယ မြောက်ယုတ္တိတန်တဲ့အချက်ပါ။ သက်သေကတော့ခုနတင်ပြခဲ့တဲ့အမျိုးသားညီလာခံအတွေ့ အကြုံပါ။

ယ္ခုလွှတ်တော်ထည်းကိုစေလွှတ်လိုက်တဲ့တပ်ကိုယ်စားလှယ်တွေဟာအရင်တစ်ခေတ်တုံးက
လိုတပ်မှာသုံးမရ တော့လို့ အရပ်ဘက် (ဘီအီးဒီစီတို့ ၊ ကုန်းလမ်းပို့ ဆောင်ရေးအာတီစီ စတဲ့ဌာနတွေ) ကိုပို့ လိုက်တဲ့ပင်စင်နား နီး diehard ကြီးတွေမဟုတ်ဘဲမျိုးဆက်သစ်ခေတ်ပညာတတ်အရာရှိငယ်တွေဖြစ်နေတယ်။ 

သူတို့ ဟာလွှတ် တော်ထည်းမှာမဲပေးတဲ့ အချိန်ကလွဲလို့ များသောအားဖြင့်အရပ်သားကိုယ်စားလှယ်တွေဆွေးနွေးနေကြတာ တွေကိုဝင်မရှုပ်ဘဲနားထောင်နေကြတယ်။ဘာနဲ့ တူသလဲဆိုတော့အရပ်သားတွေဆီကဒီမိုကရေစီနိုင်ငံရေးလုပ်နည်းကိုလက်တွေ့ လာသင်တန်းတက်နေကြသလိုဘဲ (internship)။ ဒါဟာလက်တွေ့ မှာကောင်းတဲ့အချက်ပဲ။

ရေရှည်မှာနိုင်ငံရေးသမားတွေကိုအထင်သေးတဲ့စိတ်တွေပျောက်လာမယ်၊ ကိုယ်တိုင်အရပ်သားစိတ် ၀င်လာ မယ် (Civilianized)။ လျှို့ ဝှက်မဲပေးခွင့်ရတဲ့အခါတိုင်းကိုယ်ယုံကြည်ရာကိုပဲလွပ်လွပ်လပ်လပ်မဲပေးမိကြ လိမ့်မယ်။ ဒီလွှတ်တော်ကနေစစ်ဘက်အရပ်ဘက်ယုံကြည်မှုတည်ဆောက်ရေးကိုသူ့ ဖာသာအရှိန်နှုံးတစ်ခုနဲ့
လုပ်နေလိမ့်မယ်။ ဒီအမြင်အရဆိုယင်တပ်စေလွှတ်တဲ့ ၂၅% ဆိုတာ တပ်ကသူ့ အကျိုးအတွက်လွှတ်ထားတာ ဖြစ်နိုင်ပေမဲ့သူ့ အကျိုးထက်ကိုယ့်အကျိုးက

ပိုဖြစ်ထွန်းနေတယ်။

သို့ သော်ဘာဘဲပြောပြောလွှတ်တော်ထဲကိုရွေးကောက်ပွဲနည်းနဲ့ မဟုတ်ဘဲဝင်ထိုင်ပီးမဲပေးနေတဲ့ကိစ္စဟာ
ဒီမိုကရေစီကိုပြောင်လှောင်နေတာသာဖြစ်လို့ ထာဝရတော့မဖြစ်သင့်ဘူး၊ ပြင်ကိုပြင်ရမယ်ဆိုတာကိုလက္ခံတယ်။ သဘောတူတယ်။

ပြဿနာက ဘယ်အချိန်မှာလဲ၊ ဘယ်လိုလုပ်မလဲ။ အောင်ဆန်းစုကြည်ကိုဆောင်းပါးရှင်ကမေးပြီး သူ့ ဖါသာသူ ပြန်ဖြေပြကာ သူမကိုသိက္ခာချတဲ့ မေးခွန်းကဒါပဲ။ 

အခြေခံဥပဒေထဲမှာပုဒ်မပေါင်းတစ်ရာလောက်နဲ့ အသေပိတ်ဆို့ ထားတာဟာ အိမ်ရှေ့ တံခါးမကြီးကိုအခိုင်အမာ အသေပိတ်ထားတာမျိုးဖြစ်တယ်။ အဲဒါကိုပဲ “ကွက်“ ကြည့်ပြီး “၀င်လို့ မရဘူး” လို့ ထိုင်အော်နေတာဟာအကြံ ကုန်နေတာမဟုတ်ရင်အခြားရည်ရွယ်ချက်တစ်ခုခုကြောင့်သာဖြစ်ပါလိမ့်မယ်။

လက်တွေ့ မှာအိမ်ထဲကိုမဖြစ်မနေ၀င်ရမယ်၊အိမ်ရှေ့ တံခါးမကြီးကလဲဖွင့်မရဘူးဆို
ယင်ပြူတင်းပေါက်တို့ မလွယ် ပေါက်တို့ ကနေကျိုးစားကြည့်ဖို့ ကိုခြောက်တန်းကျောင်းသား
ကလေးများတောင်သိကြပါတယ်။

ဥပဒေဆိုတာလူကလုပ်ထားတာဖြစ်တယ်။ မြန်မာနိုင်ငံလိုပုဂ္ဂိုလ်ကိုးကွယ်မှု (cult of personality) သိပ်အား ကောင်းတဲ့ political culture မှာ “လူကိုခင်ယင် မူကိုပြင်တယ်။ လူကိုမုန်းယင် မူကိုသုံးတယ်” ဆိုတာ public life ကိုတကယ်မောင်းနှင်နေတဲ့ဥပဒေသကြီးဖြစ်နေတယ်။ 
ဆိုလိုတာက “ဥပဒေကအဓိကမဟုတ်သေးဘူး၊ လူကအဓိက” ဖြစ်နေသေးတယ်။ (ဒါဟာဒီမိုကရေစီဝါဒနဲ့ ဆန့် ကျင်ပေမဲ့လောလောဆယ်တော့ ဒီမိုကရေစီ အတွက် “ခုတုံး” (stepping stone) အဖြစ်အသုံးဝင်တယ်။ ဒီမိုကရေစီဖြစ်ပြီးယင်တော့ဘုရားပြီး ငြမ်းဖျက် လုပ်ပစ်ရမှာဖြစ်တယ်။) ဒါကြောင့်ကျနော့်ချဉ်းကပ်နည်း (approaching method) ကလူလူချင်းဆက် ဆံရေးကိုပိုအာရုံ စိုက်တယ်။ focus လုပ်တယ်။ ဒါကိုကျနော်ရဲ့ AF ထည်းမှာထည့်ပြီးသုံးစွဲတယ်။

ဒါကြောင့်ဥပဒေတစ်ခုခုကိုပြင်ချင်ယင် - ဘယ်လောက်ကြီးတဲ့ဥပဒေပဲဖြစ်ဖြစ် -
နိုင်ငံရေးလောကသား အချင်း ချင်းလူပုဂ္ဂိုလ်ခင်လာအောင်လုပ်ဘို့  - ယုံကြည်မှုရလာအောင်အရင်တည်ဆောက်ဖို့ ကအချက်အချာပဲ။ 

ဒီလိုသာဆိုယင်လွှတ်တော်ထဲမှာ“အစိမ်းရောင်”တွေရောက်နေတာကိုကာလအတိုင်းအတာ
တစ်ခုအတွင်းကြို တောင်ကြိုဆိုသင့်တယ်။ သူတို့ ရှိမနေယင်တောင် လာကြည့်ကြစမ်းပါဗျာလို့ ဖိတ်ရမဲ့သဘောဖြစ်နေတယ်။
 

ဆက်ဖတ်ကြည့်ရအောင် -

 “၂၅% စစ်ဗိုလ်အမတ်တွေ လွှတ်တော်ထဲ ထားရတဲ့ ဖုံးကွယ်ထားတဲ့ ရည်ရွယ်ချက် (Hidden agenda) က စစ်ခေါင်းဆောင်ပိုင်းကို တရားစွဲပြီး ဒုက္ခပေးနိုင်တဲ့ ပုဒ်မတွေပါတဲ့ ၉၅ ခုကို အရပ်သား အမတ်တွေရာသက်ပန် မပြင်နိုင်အောင် ကန့်ကွက်ဘို့အတွက် စနစ်တကျ သင်္ချာနည်းနဲ့  တွက်ပီး လွှတ်တော်ထဲမှာ ထဲ့ထားတာဖြစ် တယ်လို့ တထစ်ချ ပြောနိုင်ပါတယ်။
ဒီ ပုဒ်မ ၉၅ ခုကိုသာ ပြင်နိုင်ရင် စစ်ခေါင်းဆောင်တွေ တချိန်က ကျူးလွန်ခဲ့တဲ့ ရာဇ၀တ်မှုတွေကို တရားစွဲခွင့်ရ သွားမှာဖြစ်ပါတယ်။ ဒါကြောင့်လဲ ဗိုလ်ချုပ်မှူးကြီးသန်းရွှေက ပုဒ်မ ၉၅ ခုနဲ့ သူတို့ စစ်ခေါင်းဆောင်တွေရဲ့ အနာဂတ်ကို ကာကွယ်ခဲ့တာ ဖြစ်ပါတယ်။ ဒီပုဒ်မတွေ ပြင်မဲ့သူမှန်သမျှ စစ်တပ်ရဲ့ ရန်သူဖြစ်မှာသေချာနေတယ်။ ဒေါ်စုဟာ စစ်တပ်ရဲ့ ရန်သူဖြစ်အောင်ကြိုးစားမဲ့ အနေအထားရှိသလား။ စစ်တပ်ကုို စည်းရုံးနုိုင်စွမ်းရှိသလားဆို တာဆန်းစစ်သင့်တယ်။”

အောင်ဆန်းစုကြည်ဖြစ်ဖြစ်၊ ဘယ်သူပဲဖြစ်ဖြစ် ပြင်ဖို့ အားထုတ်နေတာတွေကအဲဒီဘက်မျက်နှာစာ
(အတိပ်) ကိုမဟုတ်ပါဘူး။ ပြန်ပြင်လို့ မရတော့တဲ့အတိပ်ကို စတိလောက်ကလေးဖြစ်ဖြစ်မရမနေပြင်ယူပြီး (ဆိုလိုတာက စစ်ခေါင်းဆောင်တွေ တချိန်က ကျူးလွန်ခဲ့တဲ့ ရာဇ၀တ်မှုတွေကို တရားစွဲတာ) စိတ်ကျေနပ်မှုရှာမဲ့အစား ပစ္စုပ္ပန် နဲ့ အနာဂါတ်မှာ ဒီမိုကရေစီပီပြင် လာရင် ဒါမျိုးတွေထပ်မဖြစ်တော့မှာမို့ ပစ္စုပ္ပန်နဲ့ အနာဂါတ်နှစ်ခုကို အာရုံထား ပြီးပြင်မှာဖြစ်ပါတယ်။ ဒါကေယ်ဘူယ်အေျဖပါ။

ရာဇ၀တ်မှုဆိုတာတွေကိုအောင်ဆန်းစုကြည်က ကာယကံရှင်တွေကိုယ်စားခွင့်လွှတ်လို့ မရသလို အပြစ်ပေးလို့  လဲမရပါ။ သူ့ အလုပ်လဲမဟုတ်ပါ။  မြန်မာပြည်မှာအဲဒီလုပ်နိုင်တဲ့အချိန်တစ်ချိန်ရှိလာမယ်ဆိုယင်လဲ အဲဒီလူတွေ လူ့ ပြည်မှာမရှိ တော့ တာကြာပြီ ဖြစ်နေလိမ့်မယ်။ ဒီကိစ္စမျိုးတွေဟာ တရားစွဲ တရားစီရင်တဲ့အလုပ်နဲ့ အသက် မွေးတဲ့လူတွေနဲ့ NGO တွေမှတပါး တခြားဘယ်သူမှ အကျိုးမရှိပါဘူး။ မလုပ်သင့်တော့ဘူးလို့ ပြောတာမဟုတ်၊ ကိုယ့်အလုပ်မဟုတ်ဘူးလို့ သာဆိုလိုတာဖြစ်တယ်။ 

အဲဒီအထည်းကိုအောင်ဆန်းစုကြည်ကိုဖြစ်ဖြစ် - အခြား အရပ်သားနိုင်ငံရေးသမားဘယ်သူ့ ကိုမဆို ဆွဲသွင်းတာဟာ မရိုးသား တာပဲ။

သို့ သော်ဘာဘဲဖြစ်ဖြစ်တပ်က ၂၅% ယူထားတဲ့ကိစ္စကတော့ - ဘာရည်ရွယ်ချက်နဲ့ထည့်ထားတာပဲဖြစ်ဖြစ် -အချိန်ယူပြီးပြင်ဘို့ ကျိုးစားကြပါမှာ -  ကဲ ကျိမ်းသေထမြောက်အောင်မြင်အောင်ဘယ်လိုပြင်ယူမလဲ။

သမိုင်းကိုနည်းနည်းခြေရာပြန်ကောက်ကြည့်ပါ။ ဗိုလ်ချုပ်အောင်ဆန်းဗိသုကာဖြစ်ခဲ့တဲ့ 
မူလ ၁၉၄၇ ခုနှစ်ဖွဲ့  စည်းပုံအခြေခံ ဥပဒေမှာတောင်တန်းဒေသတွေကို ဆယ်နှစ်ကြာယင်ပြည်ထောင်စုကနေခွဲထွက်ပိုင်ခွင့် ပေးထားခဲ့ပါတယ်။

“ဒါပေမဲ့သူတို့ ကို ပြည်ထောင်စုကြီးထည်းကနေခွဲထွက်မသွားချင်အောင်လုပ်ရမှာက ကျနော်တို့ တာဝန်” (ဗမာတွေရဲ့ အလုပ်) လို့ လဲသူကပြောခဲ့ပါတယ် ။ (စကားလုံးအတိအကျမဟုတ်ရင်ခွင့်လွှတ်ပါ - မြန်မာသံတော်ဆင့်)

အခုလဲဒီအတိုင်းပါဘဲ -  စစ်တပ်ကလွှတ်တော်ထည်းမှာ ၂၅% နေရာယူထားတာကိုသူတို့ ဖာသာ
သူတို့  ရုပ် သိမ်းသွားချင် လာတဲ့အထိအရပ်သားနိုင်ငံရေးသမားတွေကအလုပ်လုပ်ပြရမှာဖြစ်နေတယ်။ အရည်အချင်း တွေတိုးတက်လာနေတာကို သက်သေပြနိုင်ရမှာဖြစ်တယ်။ သူ့ တို့ အထင်ကြီးလာ၊ လေးစားလာအောင်နေပြ ၊ လုပ်ပြနိုင်ရမှာဖြစ်တယ်။ ခေါင်းဆောင် ပြနိုင်ရမှာဖြစ်တယ်။

ပြန်ပြင်လို့ မရ တော့တဲ့ ဖြစ်ခဲ့သမျှတွေအတွက်သူတို့ ကိုသမိုင်းတရားခံလုပ် - သူတို့ ခေါင်းပေါ်ချည်းပုံချတာမျိုး မလုပ်တော့ဘူးလို့ ယုံကြည်စိတ်ချလာတဲ့တနေ့ မှာ 
လွှတ်တော်ထည်းက ၂၅% ကိစ္စဟာတမနက်ထည်းမှာတင် အပြတ်ဖြတ်လို့ ရတဲ့ကိစ္စမျိုးပါ။ 

၁၉၉ ခုနှစ်တုံးကကျနော်နားထောင်ခွင့်ရလိုက်တဲ့ ဗြိတိသျှစာရေးဆရာမာတင်စမစ် (Martin Smith) ကို ဦးတင်မောင်ဝင်း (ခေတ်ပြိုင်) မေးခဲ့တဲ့အင်တာဗျူးတိပ်ခွေထည်းမှာမာတင်စမစ်က - မြန်မာ့အရေး မှာ “neither side is totally right or totally wrong. Neither side has the monopoly of truth and righteousness.” လို့ ပြောခဲ့တယ်။

ဒါကြောင့် အဓိကအချက်ကတော့ယုံကြည်မှု (ဆက်လက်) တည်ဆောက်ရေးဘဲ။ အပြန်အလှန်ယုံကြည်လာ ကြဘို့ ဆိုတာ ကလည်းအခုလုပ်နေတဲ့အတိုင်း အလုပ်တွေအတူတူပူးတွဲလုပ်နေတဲ့နည်း ထက်ပိုကောင်း တာမရှိဘူး။ ဒါဟာ တစ်ဘက်နဲ့  တစ်ဘက်အပြန်အလှန် mutually constructive engagement ပဲ။

[၁၉၈၈ တုံးကဦးနုက “လက်စားမချေနဲ့  သင်ပုန်းချေ”  ဆိုပြီး ချေ - ၂ - ချေ မူနဲ့ စစ်တပ်ကိုစည်းရုံးခဲ့ဘူး ပါတယ်။ မရခဲ့ပါဘူး၊ မရခဲ့ရတဲ့အကြောင်းကစစ်တပ်ကဦးနုကို မယုံတာ မဟုတ်ဘူး။  ဗရုသုက္ခတွေ အကြားမှာအဲဒါကို လက်တွေ့ ဖြစ်အောင်လုပ်နိုင်၊ မလုပ်နိုင်ဆိုတဲ့ဦးနုရဲ့အစွမ်းအစကိုမယုံရဲ တာဖြစ်တယ်။]

သမိုင်းလက်တွေ့ အရ ခုအချိန်ဟာ အများကြီးပြောင်းလဲလာတယ်ဆိုရင်လဲဟုတ်တယ်။ အများကြီးဘဲ ပြောင်းလဲဘို့ တွေ ကျန်နေသေးတယ်ဆိုတာလဲမှန်တယ်။   

အမှန်ဆုံးအချက်တော့အခုပြောင်းလဲသမျှတွေဟာ - ကိုယ်ကတိုက်ယူလို့ ဆိုတာ ထက်စစ်တပ်ကိုယ်တိုင်ကပြောင်းလဲချင်လာလို့ လမ်းဖွင့်ပေးလာလို့ ဖြစ်တယ်။  
သူ့ ဘက်ကကို politically enlightened ဖြစ်လာတယ်။

အခုအောင်ဆန်းစုကြည်ရဲ့အစိုးရသစ်နဲ့ လက်တွဲဆောင်ရွက်ရေးအစီအစဉ်ကိုဆောင်းပါးရှင်က
သဘောမတွေ့ ပါဘူး။ ဒါ ကြောင့်သူမရဲ့ ကြားဖြတ်ရွေးကောက်ပွဲဝင်ရေး နဲ့  သူမရဲ့ဥပဒေကိုပြင်မယ်ဆိုတဲ့ယျေဘူယျ ပြောဟောချက် ၂ခုကို အမိ အရကိုင်ပြီးထွက်ပေါက်မပေးစတမ်းဝေဘန်တိုက်ခိုက်ထားတယ်။

ခုလောလောဆယ်သူမနဲ့ စစ်တပ်အကြားယုံကြည်မှုတည်ဆောက်ရေးအစဉ်ကြီးတစ်ခု
ကိုဖြတ်သန်းနေတာကို အသိအမှတ် မပြုဘူး။ 

တသက်လုံးကမ္ဘာရန်ဖြစ်လာပြီးအခုမှစတင်ပြေလည်ခါစစစ်တပ်အပေါ်မိမိရဲ့အဆုံးစွန် စိတ်ကူး ကဘာဆိုတာကိုခုအချိန်ကတည်းကထုတ်ပြောထားဘို့ ဆိုတာကတော့နိုင်ငံရေးအရ သေတွင်းပို့  တာပါ။ ၁၉၉၀ ရွေးကောက်ပွဲပြီးစအချိန်က ဦးကြည်မောင်ရဲ့ Nuremberg ဆိုတဲ့စကားလုံးကလေး တစ်လုံးကို ‘out of the context’ နားလည်လိုက်မိကြလို့ မြန်မာ့နိုင်ငံရေး ခရီးဘယ်လောက်ကောက်ကွေ့ သွားခဲ့သလဲ။ 

ဒါကြောင့် ပရိဿတ်တစ်ဦးအနေနဲ့ နိုင်ငံရေးအသွင်ကူးပြောင်းရေးအစဉ် ချောချောမွေ့ မွေ့  နဲ့  အပြည့်အ၀ ဖြစ်ရေးအတွက်ကိုယ်မြင်ချင်တာကိုကွက်ကြည့်ပီး၊ ကိုယ်လိုချင်တဲ့အဖြေကိုပဲတွက်ပြတဲ့သင်္ချာနည်းအစား၊ ပိုကျယ်ပြန့် တဲ့သမိုင်းအမြင်၊
လူပဓာနအမြင် (Human agency aspect) တွေနဲ့ ချဉ်းကပ် မှဖြစ်မယ်လို့  ယူဆပါတယ်။ 

ခုအချိန်မှာအောင်ဆန်းစုကြည်ဟာလွှတ်တော်တွင်းဝင်ပြီး ဥပဒေကိုတကယ်ပြင်ဘို့  လုပ်ငန်းမစရသေးပါဘူး။ သူမကိုသက်သေပြခွင့်အချိန်တစ်ချိန်ပေးရပါဦးမယ်။ အာဏာရှင်စံနစ်ကြီးရှိနေ သေးတယ်လို့ တိုင်းပြည်က ယုံကြည်နေသေးသမျှသူမရဲ့ ရာဇ၀င်ပေးအခဏ်းကဏ္ဍရှိနေသေးတယ်၊ မကုန်သေးဘူး။

သတိပေးချင်တာကတောသမတလင်ကွန်းကိုးကားဘူးတဲ Dutch farmer metaphor အတိုင်း - (ချောင်းကိုဖြတ်ကူးနေတုံး) ရေလည်ခေါင်မှာလှည်းကိုမြင်းလဲတပ်တာအန္တရယ်ကြီးတယ်။
(“
It is dangerous to change horses midstream.”) ဆိုတဲ့ အကြောင်းပါဘဲ။


မြန်မာသံတော်ဆင့်
February 10, 2012