နောက်ထပ်ကြားဖြတ် ရွေးကောက်ပွဲတစ်ခု ထပ်လုပ်ပေးဖို့ လို မလို

မြန်မာသံတော်ဆင့်

ဧပြီ ၂၆ - ၂၀၁၂

ကျမ်းကျိမ်ရာ၌ရွတ်ဆိုရမည့်စကားလုံး ကိုသဘောမတူသဖြင့်အသစ်စက်စက် NLD လွှတ်တော်ကိုယ်စားလှယ်များ မပါ ဘဲနှင့်လွှတ်တော်အစည်းအဝေးများပြန် စနေပြီဖြစ်သည်။
လိပ်ခဲတင်းလင်းဖြစ်နေဆဲပြဿနာနှင့် ပါတ်သက်၍နိုင်ငံရေးအောင်သွယ်တော် တစ်ဦးစ၊နှစ်ဦးစကသာလွှတ်တော်ထည်းမှာကောမီဒီယာပေါ်မှာပါ အစွမ်းကုန်အားထုတ်နေကြသည်။

သည်အတိုင်းဆက်သွားနေလျှင်အချိန်ကြာလာသည်နှင့် အမျှပြေလည်ရေးပို၍အလှမ်းဝေး သွားမည်ကိုတွက်ဆ၍ရနိုင်သည်။ သူ့ ဘက်ကိုယ့်ဘက်၊ဘက်လိုက်မှုများ -အထူးသဖြင့် အွန်လိုင်းမှအသားလွတ်ဆဲရေးမှုများက - လိပ်ခဲတင်းလင်းဖြစ်နေမှုကိုပိုဆိုးစေလိမ့်မည်။

CBC နှင့်အင်တာဗျူးဟောင်းတစ်ခုတွင်စာရေးဆရာမ ဟန်စုယဉ် (Han Suyin) က “နိုင်ငံရေးလုပ်ကြ ရာမှာမှားတယ်-မှန်တယ်လို့ မရှိ (There is no such thing as right or wrong in politics.) ဟုပြောဘူးသည်။ ကိုယ့်ဘက်ကကြည့်လျှင်ကိုယ်မှန်သည်ချည်း။

ယခုပြဿနာတွင် ဘက်နှစ်ဘက်တည်းထား၍ ကိုယ်ကြိုက်ရာဘက်ကရပ်တည်နေကြခြင်းဖြစ်သည်။ စင်စစ်ပြဿနာတိုင်းမှာအနည်းဆုံးဘက်သုံးဘက်ရှိသည် - သူ့ ဘက်၊ ကိုယ့်ဘက် နှင့် ပရိဿတ် ဘက်။

ယခုပြဿနာ၏တတိယဘက်သည်အခြားမဟုတ် NLD ကိုပုံအောမဲပေးခဲ့သော ၄၃ မြို့  နယ်မှမဲ ဆန္ဒရှင်များဖြစ်ကြသည်။ကြားဖြတ်ရွေးကောက်ပွဲကျင်းပရသည့်အဓိကအကြောင်းရင်းမှာသူတို့ အား
လွှတ်တော်ထည်းတွင် ကိုယ်စားပြုပေးမည့် သူများမရှိတော့၍ဖြစ်သည်။

သို့ သော်ယခုရွေးကောက်ပွဲပြီးသွားသောအခါ၌လည်းသူတို့ ခမျာဒုံရင်းအတိုင်းအမိမဲ့သားသမီးများ ဘ၀ကမတက်နိုင်ရှာကြ။၄၃ နေရာဆိုသည်မှာနိုင်ငံသေးသေး(ဥပမာတိုင်ဝမ်)တစ်ခုစာလောက်ပင်
ရှိနိုင်သည်။

မဆီမဆိုင်မဆလခေတ်တုံးကကြားခဲ့ဘူးသည့်လူပုဂ္ဂိုလ်အကျိုးစီးပွားနှင့်ပါတီအကျိုးစီးပွားနှိုင်းယှဉ်လာလျှင်ပါတီ၏အကျိုး စီးပွား၊ပါတီအကျိုးနှင့်တိုင်းပြည်အကျိုးရွေးစရာဖြစ်လာလျှင်တိုင်းပြည်
အကျိုးစီးပွား ကိုဦးစားပေးမည်ဆိုသည့်စကားတစ်ခွန်းကိုပြန်၍သတိရမိသည်။

မြန်မာ့နိုင်ငံရေးလောကတွင်တစ်ခါမျှအကောင်အထည်မပေါ်ဘူးသေးလင့်ကစား နိုင်ငံရေးကိုယ်ကျင့်တရား (political ethics) စံတစ်ခုအဖြစ်ယခင်ကအနည်းဆုံးကြားတော့ကြားဘူးခဲ့သည်။

သူ့ အကျိုးပြောရမည်ဆိုလျှင် NLD သည်တိုက်ကွက်ဖေါ်ရာတွင်အနည်းဆုံးမိမိဘက်ကလက်ခုတ်တီး အားပေးနေသော ပရိဿတ်များနှင့်တော့အတိုင်အဖေါက်ညီသင့်သည်။ ယခု Wall Street Journal, Al Jezeera, New York Times နှင့် Foreign Policy Journal တို့ ၏ရေးသားချက်များကိုဖတ်လျှင် အနောက်တိုင်းပရိဿတ်ကစ်ိတ်ပျက်သွားတာကိုသိနိုင်သည်။

ယခု NLD လုပ်ပုံသည် “Runaway bride” လိုဖြစ်နေသည်။ အိမ်နီးနားချင်းထိုင်းသတင်းစာ Nation ကဆိုလျှင်ပေါ်ထင်ပင်လှောင်ပြောင်ထားသည်။

NLD ၏တောင်းဆိုချက်ကိုသမ္မတကမကူညီနိုင်။ စကားကလေးတစ်လုံးဖြစ်သော်လည်းပြည်ထောင်စု လွှတ်တော်တစ်ခုလုံးနှင့်သက်ဆိုင်နေသည်။ တစ်ဦးချင်းအနေနှင့်ခေါင်းရှောင်ရန်လွယ်ကူသည်။ ယခုဒေါ်အောင်ဆန်းစုကြည်ကကြံခိုင်ရေးပါတီနှင့်စစ်တပ်ခေါင်းဆောင်များနှင့်ဆက်သွယ် ၍ပြေလည်အောင်ဆောင် ရွက်သွား မည်ဟုဘီဘီစီကိုဖြေ ကြားကြောင်းသိရသည်။

NLD ကိုထောက်ခံသူများနှင့်အောင်ဆန်းစုကြည်ကိုပုဂ္ဂိုလ်ကိုးကွယ်သူများ၏ပုတ်ခတ်ရှုံ့ ချဆဲရေး သယော်လှောင်ပြောင်မှုများကိုတချိန်လုံးခံလာကြရသောထိုနိုင်ငံရေးအင်အားစုနှစ်စုကသဘော ထားကြီးနိုင်ကြပါစေဟုသာဆုတောင်းရန်ကျန်တော့သည်။

တောင်းဆိုတိုင်းပေးနေလျှင်တစ်ခုပြီးတစ်ခုဆက်၍တောင်းနေလိမ့်မည်၊ အတူတူ လက်တွဲလုပ်သွားမည့် အဓိပ္ပါယ်မထွက်ဟုသူတို့ ဘက်ကထင်မှတ်သွားနိုင်သည်။

ထို့ နောက်မှတဖန်“ဒူးတော့မထောက်နိုင်”ဟုမနေ့ ကပြောကြောင်းသတင်းထွက်လာသည်။
နောက်ဆက်တိုက်ဆိုသလိုပင် - ပြဿနာသည်အလုပ်သဘောအခက်အခဲကလေး (technical issue/question)သာဖြစ်သည် နိုင်ငံရေးပြဿနာမဟုတ်ဟုသုံးသပ်ကြောင်းသိရပြန်သည်။

နိုင်ငံရေးပြဿနာမဟုတ်လျှင်အစကတည်းကဒူးထောက်-မထောက်ရှုပ်ထွေးစရာအကြောင်းမရှိ။ ကြည့်ရသည်မှာထုံးစံအတိုင်း Plan B မရှိဘဲလုပ်ချလိုက်ပြီးမှထင်ထားသလိုဖြစ်မလာသဖြင့်ကြံရာမရ (restless) ဖြစ်နေပုံရသည်။

မည်သို့ ဖြစ်စေအချိန်နှင့်ဒီရေသည်လူကိုမစောင့်။ နိုင်ငံတော်တည်းဟူသောသင်္ဘောကြီး
(The ship of state) သည်ဆက်လက်ခုတ်မောင်းနေရမည်ဖြစ်သည်။

အမြစ်တွယ်နေသောဝန်ထမ်းယန္တယားကြီးချစားနေမှု (corruptions)၊ တစ်နိုင်ငံလုံးလျှပ်စစ် ဓါတ်အားနှင့်လောင်စာဆီမလုံလောက်မှု (energy insecurity) နှင့်ပြည်တွင်းငြိမ်းချမ်းရေး
(peace process) စသောလုပ်ငန်းကြီးတာဝန်များကိုသတိပြုမိကြမည်ဆိုလျှင်စိတ်ကြိုက်စကား လုံးကိုရွေးချယ်နေမှုသည်တာဝန်မဲ့ရာကျသည်။ အသေးစိတ်ကလေးတစ်ခုထည်းမှာနစ်ဝင်နေ တာဖြစ်သည်။ (deep in the "politics of the moment")။

ပြဿနာများကြီးကိုရင်ဆိုင်ကြရန်လွှတ်တော်များကိုသတ်မှတ်ထားသောအချိန်အတိုင်းကျင်းပ
ရမည်ဖြစ်သည်။ လွှတ်တော်အတွင်းထိုင်ခုံနေရာ ၄၃ နေရာတောင်အချိန်အကန့် အသတ်မရှိ လစ်ဟာနေလို့ လည်း မဖြစ်နိုင်ပါ။ ဒီမိုကရေစီသဘောအရထိုမဲဆန္ဒနယ်များမှပြည်သူများကို ကိုယ်စားပြုသူတွေရှိကိုရှိနေရမည်။ ၂၀၁၅ ရောက်ဖို့ သုံးနှစ်တောင်လိုသေးသည်။

ထို့ ကြောင့်ကြားဖြတ်ရွေးကောက်ပွဲနောက်တစ်ကြိမ်ထပ်လုပ်သင့်ကလုပ်ရမည်။
သည်တစ်ကြိမ်လုပ်လျှင်ယခုလိုအဖုအထစ်မျိုးကိုရှောင်နိုင်ဖို့ အသေအချာစီစဉ်ကြပါဟု
တိုက်တွန်းလိုသည်။

နိဂုံးချုပ်အားဖြင့် - အားလုံးသိကြပြီးသားဖြစ်သော်လည်းအရပ်သား၊ စစ်သား၊နိုင်ငံရေးလုပ်သူ အားလုံး၊နိုင်ငံရေးပါတီအားလုံးနှင့်နိုင်ငံရေးခေါင်းဆောင်အားလုံးကိုတစ်ခုတော့ထပ်၍တင်ပြလိုပါသည်။ ဒီမိုကရေစီစံနစ်လုပ်ကြမည်ဆိုလျှင်မည်သူမျှ ကိုယ်လိုချင်တာ/ကိုယ်ဖြစ်ချင်တာ အကုန်လုံးမရနိုင်/ မဖြစ်နိုင် - “Nobody gets everything he wants under a democracy.” ဆိုသည့်အချက် ပင်ဖြစ်ပါသည်။

မြန်မာသံတော်ဆင့်

photo credit - Facebook - 318244 -330975950291076 - Thanks for the use