ဘာသာရေး လူမျိုးရေးပြဿနာ များဖြေရှင်းကြရာတွင် --

“People are unable to forgive what they cannot punish.” 
- (a line from a textbook on international human rights)

ရခိုင်ပြည်နယ်တွင်မိန်းခလေးတစ်ဦးအားဝိုင်းဝန်း၍မုဒိမ်းကျင့်၊
လူကိုသတ်ပြီး၊ပစ္စည်းတွေပါယူသွားသောအမှုတစ်ခုဖြစ်ခဲ့သည်။

ကျူးလွန်သူများသည်လူမျိုးဘာသာခြားဖြစ်နေယုံမက
ဘက်နှစ်ဘက်ရာဇ၀င်သဘောရန်စောင်နေကြသည်မှာလည်း
လွပ်လပ်ရေးခေတ်မတိုင်မီကတည်းကဖြစ်ရာ
ယခုအမှုသည်လူမျိုးရေး၊ဘာသာရေးသဘောဆောင်လာ
ကာနောက်ရက်ပိုင်းအတွင်းပြည်နယ်၏အခြားတနေရာ၌
လက်စားချေပွဲကြီးတစ်ခုပေါ်ပေါက်လာခဲ့သည်။ 

အသက်တစ်ချောင်းအတွက်အသက်ဆယ်ချောင်းအလျော်ယူလိုက်လိုဖြစ်ခဲ့သည်။ 

ထိုမျှနှင့်မပြီးဘဲပြည်နယ်မြို့ တော်စစ်တွေတွင်ပုလိပ်ပစ်သဖြင့်လူတွေ ဒဏ်ရာရထားသောသွေးသံရဲရဲပုံများအင်တာနက်တွင်တက်လာသည်။
စစ်တွေကအဖြစ်အပျက်သည်ကျောက်နီမော်ကမုဒိမ်း၊လူသတ်မှုကြောင့်သွေးဆူနေ
သောလူအုပ်ကြီးကအခြားအမှုတစ်ခုဖြင့်ရဲစခန်းကိုတိုက်ခိုက်မှုဖြစ်သည်။

အုပ်ချုပ်ရေးဘက်ကအကိုင်အတွယ်မတတ်လျှင်

အစိုးရသည်အချောင်တရားခံဖြစ်လာနိုင်သည်။

ဖြစ်ခဲ့ဘူးသည့်သမိုင်းသာဓကလည်းရှိခဲ့သည်။

ပြဿနာတွေကြောင့်ဒုက္ခမဖြစ်၊ ဖြေရှင်းနည်းတွေကြောင့်သာဒုက္ခဖြစ်တတ်သည်။

မည်သည့်ခေတ်၊မည်သည့်အစိုးရလက်အောက်၌မဆိုလူ့ အဖွဲ့ အစည်းအတွင်း

လူအုပ်စုကြီးနှစ်ခုအဓိကရုဏ်း (communal strife) ဖြစ်လာလျှင် အုပ်ချုပ်ရေးသမားကဖြေရှင်းပေးသောနည်းသည်အောက်ပါလေးမျိုး

အနက် တစ်ခုခုသာဖြစ်နေတတ်သည်။ 

၁. နှစ်ဘက်စလုံးကျေနပ်တဲ့ဖြေရှင်းနည်း - ရှာမှရှား - မရှိသလောက်နီးပါး
၂. နှစ်ဘက်စလုံးမကျေမနပ်ဖြစ်ကျန်ရစ်တဲ့ဖြေရှင်းနည်း - အများဆုံး နှင့် အမြဲတမ်းနီးပါးဖြစ်
၃. ခံရတဲ့ဘက်ကကျေနပ်တဲ့ဖြေရှင်းနည်း - အဆုံးတွင်ခံရသူကိုယ်စားလက်စားချေပေးခြင်းဖြစ်သွားတတ်
၎. ပြုတဲ့သူဘက်ကကျေနပ်တဲ့ဖြေရှင်းနည်း - ကျူးလွန်သူသည်အုပ်စိုးသူအသိုင်းအ၀ိုင်းနှင့်  ၀င်ဆံ့နေသောအခါ 
 (ဥပမာသတင်းထောက်ကိုပါးရိုက်သောရုပ်ရှင်မင်းသမီးအားစီးကရက်တစ်ဘူးဘိုးစာမျှဒဏ်ရိုက်သောအမှုမျိုး)

ယခုပြဿနာ၏မူလဇစ်မြစ်သည်လတ်တလောအဖြစ်အပျက်များထက်

ပို၍ကျယ်ပြန့် နက်ရှိုင်းသည်။ တအုံ့ နွေးနွေးဖြစ်နေသည်မှာကြာပြီ။

လူတိုင်းပါးစပ်ကဘယ်လောက်လစ်ဘရယ်ကျနေစေကာမူကိုယ့်သွေးသားကိုထိလာလျှင်

နာတတ်သည့် လူ့ သဘာဝကိုမည်သူမှတကယ်တမ်းမလွန်မြောက်နိုင်။ 

ကိုယ်တိုင်မခံစားရသူများကိုရွှေပြည်အေးတရားဟောခြင်းခိုင်းဖြင့်လည်း မရနိုင်။

ပြစ်ဒဏ်ထိုက်သင့်သူများကိုအမြန်ဆုံးနှင့်ထိထိရောက်ရောက်ပြစ်ဒဏ်ပေးပြရမည်။ တည်ဆဲဥပဒေပြဌန်းချက်ဖြင့်လူထုခံစားချက်ကိုမပြောင်းလဲနိုင်လျှင်တရားရေးရှုဒေါင့်
 (Judicial aspect) အပြင်နိုင်ငံရေးရှုဒေါင့် (Political aspect) ကိုပါပေါင်းထည့်၍ကျေနပ်သည်အထိဆောင်ရွက်ရန်သာရှိသည်။

ယခုကိစ္စတွင်နိုင်ငံရေးရှုဒေါင့်ကိုပါထည့်သွင်းဖြေရှင်းရန်လိုအပ်မည်လား။ 

ရခိုင်လူထုကျေနပ်အောင်တစ်ခုခုကိုလျှင်လျှင်မြန်မြန်နှင့်ပြတ်ပြတ်သားသားလုပ်ပြသင့်သည်။ (အစိုးရသစ်ခေတ်တွင်ရခိုင်ပြည်နယ်သားများသည်ယခင်ကထက်ပို၍နိုင်ငံရေးနိုးကြားသည်။ မိမိတို့ ပြည်နယ်သည်ပြည်ထောင်စုအစိုးရထံမှယခုရနေသည့် အခွင့်အရေးများထက်ပို၍ ထိုက်တန်ကြောင်းကိုနည်းအမျိုးမျိုးဖြင့်ဖေါ်ပြနေကြသည်ကိုမြင်နေရသည်။) 

မြန်မာနိုင်ငံတွင်သေဒဏ်သည်ပြစ်မှုဆိုင်ရာဥပဒေ (Penal Code) 
စာအုပ်ထည်းမှာရှိသေးသော်လည်းတကယ်တမ်းမကျင့်သုံးတာကြာပြီ။
သေဒဏ်ပေးကာတကယ်တမ်းကွပ်မျက်ပစ်ခြင်းကိုအမေရိကန်ပြည်
ထောင်စုလိုအဓိကရကမ္ဘာ့ဒီမိုကရေစီခံကတုပ်နိုင်ငံကြီးများ 
တွင်ပင်လက်တွေ့ ကျင့်သုံးနေသေးသည်ဖြစ်ရာလိုအပ်ပါကလက်မတွန့် သင့်။ 

မိန်းခလေးတစ်ဦးအားဝိုင်းဝန်း၍မုဒိမ်းကျင့် - ပစ္စည်းယူ - လူကိုသတ်ဖြတ်
အားလုံးတပြိုင်တည်းပြုမူခြင်းသည်အလွန်လူမဆန်သည့်သားရဲတိရိစ္ဆာန်အပြုအမူ 
(predation) ဖြစ်သည်။ လူမျိုးမရွေး - ဘာသာမရွေး - အရွယ်မရွေးမည်သူ ကျူးလွန်သည်ဖြစ်စေခွင့်လွှတ်ထောက်ထားညှာတာနေစရာအကြောင်းမရှိ။

“မျက်လုံးတစ်လုံးအတွက်မျက်လုံးတစ်လုံး - သွားတစ်ချောင်းအတွက်သွားတစ်ချောင်း” 
သည်တရားမျှတမှုသဘော၏တရားကိုယ်တစ်ခုလုံးမဟုတ်သော်လည်း၎င်း၏
အစိပ်အပိုင်းတစ်ခုဖြစ်နေသည်ကားသေချာသည်။

 (‘An eye for an eye’ is not justice in its entirety. 
  But it certainly is an element of justice.)

တဘက်တွင်မဆီမဆိုင်အပြစ်မဲ့သူဆယ်ဦးကိုလူအုပ်ကြီးကသတ်ဖြတ်ခဲ့သည်ကို

လည်းလျှော်ပစ်ရန်မဟုတ်။ ဒုတိယကိစ္စအဖြစ်မမေ့လျှော့စတမ်းဆက်လက်ကိုင်
တွယ်၍တရားခံတွေရနိုင်သမျှရှာဖွေဖေါ်ထုတ်ရမည်၊ တရားစီရင်ရမည်။ 

ရာဇ၀တ်ကြောင်းတရားရေး (Criminal justice) တွင်ကျူးလွန်ခံရသူ 
(victim) သည်တရားလိုမဟုတ်။နိုင်ငံတော်သည်သာတရားလိုဖြစ်သည်။

တတိယအချက်အားဖြင့်ပြည်တွင်းရှိအစ္စလမ်ဘာသာဝင်များကကျောက်

နီမော်နှင့်တောင်ကုတ်တို့ ကလုပ်ရပ် ၂ခုစလုံးကိုရှုံ့ ချကြောင်းတရားဝင်အခမ်းနား များဖြင့်ကြေငြာသင့်ကြသည်။ ကျောက်နီမော်ကတရားခံများသည် မိမိတို့ ဘာသာဝင်ဖြစ်နေသည့်အတွက်အလွန်ရှက်မိကြကြောင်း - 

သူတို့ ၏မိသားစုများကိုယ်စား၊ တရားလို၏ မိသားစု
ကိုတောင်းပန်ကြောင်းကြေငြာသင့်သည်။

အပြန်အလှန်အားဖြင့်အပြစ်မဲ့လက်စားချေခံရသောသူများ၏
မိသားစုများကိုလည်းရခိုင်နိုင်ငံရေးခေါင်းဆောင်များက
ကိုယ်စားတောင်းပန်စကားဆိုသင့်သည်ဟုယူဆပါသည်။ ၀တ်ကြေ၀တ်ကုန်ကြေငြာချက်တွေထုတ်ကြဘို့ သာမဟုတ်။ ရွေးကောက်ပွဲ ကာလမဲဆွယ်ကြတုံးကလိုတကယ်ကွင်းဆင်းလုပ်ကြရန်လိုအပ်သည်။

မနေ့ ကဆူးလေဘုရားခြေရင်းတွင်လူတစ်ရာလောက်ဆန္ဒပြကြ၍
လူတစ်ထောင်လောက်က၀ိုင်းကြည့်နေခဲ့ကြသည်ဟုဆိုရာပြဿနာ
သည်ပြည်ထောင်စု၏ကျန်ဒေသများသို့ ကူးစက်လာနိုင်သည်။ 

ရန်ကုန်၊ မန္တလေး၊ပြည်၊ မော်လမြိုင်၊ မုံရွာ၊ တောင်ကြီး၊ မြစ်ကြီးနား၊ မေမြို့  စသည်မြို့ ကြီးတိုင်းတွင်အစ္စလန်ဘာသာဝင်တွေအများကြီး ရှိကြသည်။

မြန်မာ့အလုပ်လက်မဲ့ပြဿနာသည်တစ်ချိန်ချိန်ထပေါက်မည့်
ချိန်ကိုက်ဗုံးဟုဒေါ်အောင်ဆန်းစုကြည်ကဘန်ကောက် 
World Economic Forum တွင်ပြောသွားသည်။
ယခုဘာသာရေး၊လူမျိုးရေးအဓိကရုဏ်းဖြစ်မည့်ပြဿနာကအချိန်မရွေး
ထပေါက်မည့်တိုင်းဗုံးဖြစ်နေသဖြင့်နိုင်ငံရေးပါတီကြီးငယ်အားလုံး
တို့ မှသူမအပါအ၀င်ခေါင်းဆောင်များနှုတ်ပိတ်ခေါင်းရှောင် 
လုပ်မနေကြဘဲဝိုင်းဝန်းထိမ်းပေးရန်တာဝန်ရှိပေသည်။ 

အထူးသဖြင့်အမျိုးသမီးကမ္ဘာ့ငြိမ်းချမ်းရေးနိုဘယ်ဆုရှင်တစ်ဦးအနေဖြင့်
မိမိနေရင်းမူလတိုင်းပြည်ရှိအမျိုးသမီးငယ်ကလေးများ၏ခန္ဓာကိုယ်နှင့် ဘ၀လုံခြုံရေးအတွက်သူမကတစ်ခုခုလောက်တော့ထိထိရောက်ရောက်
စီမံဆောင်ရွက်ပေးသင့်သည်ဟုယူဆပါသည်။

တဘက်တွင်လည်း ဘင်္ဂလားနယ်စပ်က “ရိုဟင်ဂျာ” ဆိုသူများကြောင့်ပြည်တွင်းက
မြန်မာမူဆလင်တွေဒုက္ခမဖြစ်သင့်။ သူတို့ သည်ပုဂံခေတ်ကတည်းက ရှိနေခဲ့ကြ၍လွပ်လပ်သောမြန်မာနိုင်ငံတော်ကိုလက်တွဲထူထောင်ခဲ့ကြသူတွေဖြစ်သည်။ 

“ရိုဟင်ဂျာ”ဟူသည်အရင်းစစ်လိုက်လျှင်လူဝင်မှုကြီးကြပ်ရေးပြဿနာ 

(immigration question) သာဖြစ်သည်။ ဤပြဿနာမျိုးနိုင်ငံတိုင်းမှာရှိသည်။ အထူးအဆန်းမဟုတ်။

သို့ သော်လူဦးရေဖိအား (population pressure) အဆမတန်များနေသောနိုင်ငံ
တစ်ခုနှင့်ကပ်နေမိလျှက်သားဖြစ်နေယုံသာမကကိုယ်တိုင်ကလည်း
ချိနဲ့ သောတိုင်းပြည် (weak state) ဖြစ်နေသောမြန်မာနိုင်ငံတွင်ပြဿနာပိုကြီးသည်။

အကျင့်ပျက်အုပ်ချုပ်ရေးယန္တယားကိုအသုံးပြုကာခိုးဝင်လာနေကြသည်မှာရာစုနှစ်တ၀က်မကရှိနေပြီ။ 

အချိန်ကြာလာသည့်အခါလူဝင်မှု ပြဿနာ (illegal migration problem) 
ကိုနိုင်ငံရေးပြဿနာ (political question) အဖြစ်ပြောင်းလဲဘို့ အားထုတ်လာသည်။
၁၉၄၉ တွင်တစ်ကြိမ်၊ ၁၉၇၈တွင်တစ်ကြိမ်အရေးယူရသည်။ 
သို့ သော်တိုင်းပြည်ကလည်းချိနဲ့  - လူသားချင်းစာနာထောက်ထားရေး
နိုင်ငံတကာစံများ (internationally recognized norms) ကိုလည်း
လိုက်နာရသေးသည်ဖြစ်ရာအပြတ်မလုပ်နိုင်ခဲ့။
မောင်းထုတ်ပစ်ခဲ့သူများကိုပင်ပြန်လက်ခံပေးခဲ့ရသည်။

၁၉၈၈မြန်မာနိုင်ငံဒီမိုကရေစီကူးပြောင်းရေးအစဉ်ကြီးပေါ်ပေါက်လာသောအခါ

အခွင့်ကောင်းကြီးကြုံကြိုက်လေတော့သည်။ လူ့ အခွင့်အရေးခေါင်းစဉ်နှင့်ကပ်၍
နိုင်ငံရေးပြဿနာအဖြစ်ပွဲထုတ်ခွင့်ပိုရလာသည်။

တိုင်းပြည်ကိုအုပ်စိုးသော(စစ်)အစိုးရကလည်းနိုင်ငံတော်အာဏာ၌

တရားမ၀င်ဖြစ်နေခဲ့ရာဘာကိုမှထိထိ ရောက်ရောက်မလုပ်နိုင်၊
မျက်နှာစာပေါင်းစုံတွင်ခုခံရေးလုပ်နေရကာဤပြဿနာမှာ
ပြစ်ထားသလောက်နီးနီးဖြစ်ခဲ့သည်။

“ရိုဟင်ဂျာနိုင်ငံရေး” ၏အားသာချက်တစ်ခုမှာပြည်တွင်းမှာရှိဘာသာရေးတူသူတွေထံမှ
စာနာမှု (sympathy) ကို ရယူနိုင်ခြင်းဖြစ်သည်။  စင်စစ်ရိုဟင်ဂျာဆိုသူတွေနှင့်မြန်မာ မူဆလင်တွေအကြားတွင်ဘာသာရေးမှလွဲ၍ကျန်အချက်အတော်များများကွဲပြားသည်။ ပုဂံခေတ်ကတည်းကယနေ့ မြန်မာပြည်ဖြစ်လာမည့်ဒေသတွင်ရောက်နေကြ သည့်မူဆလင်များသည်အခြားဒေသခံများနှင့်ယဉ်ကျေးမှုချင်းရောယှက်
(cultural assimilation) မှုအတော်ရင့်ကျက်နေပြီးသားဖြစ်သည်။

မြန်မာမူဆလင်အတော်များများသည်မြန်မာမှု၊ စာပေ၊အနုပညာ၊ 

ဂီတ၊ ဗေဒင် ပညာမှအစတွင်လည်းမြန်မာများနှင့်တန်းတူထူးချွန်ကြသည်။
လွပ်လပ်ရေးမော်ကွန်းဝင်စသည့်တိုင်းပြု ပြည်ပြု ပုဂ္ဂိုလ် 
အများလည်းသူတို့ ထည်းမှပေါ်ထွက်ခဲ့သည်။       

သို့ သော်အာဏာရှင်စံနစ်အောက်လူဖြစ်လာကြသူမျိုးဆက်သစ်လူငယ်များသည်
စံနစ်ကြီးကြောင့်ပင်တိုင်းပြည်ချစ်စိတ် - ရှေ့ကမျိုးဆက်များနှင့်စာလျှင်ပို၍နည်းသည်။ ဤသည်မှာအက်ဒ်မန်ဘာ့က်ပြောသလို “ကိုယ့်တိုင်းပြည်ကိုချစ်စမ်းပါလို့ တိုက်တွန်းယင် - ကိုယ့်တိုင်းပြည်ကိုယ်တိုင်ကလည်းချစ်ချင်စရာဖြစ်နေဖို့ လိုတယ်။”
 (To make us love our country, our country ought to be lovely. Edmund Burke) ဆိုသည့်အတိုင်းဖြစ်နေရာသူတို့ ကိုတဘက်သတ်အပြစ်တင်၍လည်းမဖြစ်နိုင်ချေ။ 

အထူးသဖြင့်ဗမာ/ဗုဒ္ဓဘာသာမဟုတ်သူ ပြည်တွင်းမွေး-ပြည်ပရောက်မျိုးဆက်သစ်များ
သည်သူတို့ ကိုယ်ကိုမြန်မာနိုင်ငံသားဟူသည့် identity ထက် မိမိတို့ ကိုးကွယ်ရာဘာသာ 
(ခရစ်ယန်၊ အစ္စလမ်) ဖြင့်အများအားဖြင့် identified လုပ်ကြသည်။ 

ရှစ်ဆယ့်ရှစ်မျိုးဆက် ခေါင်းဆောင်တစ်ဦးဖြစ်သူ(မြန်မာမူဆလင်)ကိုမြအေး၏ သမီးသည်အင်္ဂလန်နိုင်ငံ၌မြန်မာစစ်အစိုးရဆန့် ကျင်ရေးဆန္ဒပြရာတွင်အစ္စလမ်

ထုံးစံခေါင်းစည်း (Hijab) ၀တ်ဆင်ကာမြန်မာနိုင်ငံတော်အလံကိုမြေတွင်
ချ၍ခြေဖြင့်နင်းထားကာဆန္ဒပြခဲ့သည်။ သူမသည် U.K တွင် “ရိုဟင်ဂျာ” အရေးကိုစွမ်းစွမ်းတမန်ရှေ့ တန်းကလုပ်နေသူဖြစ်သည်။ 

သူမနှင့်အလားတူလုပ်ရပ်များကပြည်တွင်းရှိနိုင်ငံသားမြန်မာမူဆလင်
များနှင့်ရိုဟင်ဂျာများအတူတူပင်ဖြစ်ကြသည်ဟူသောအထင်မှားကိုဖြစ်စေလေသည်။ 

ယခင်အပါတ်ကအဖြစ်အပျက်သည်ရခိုင်ပြည်နယ်နေ “ရိုဟင်ဂျာ” အချို့ ၏ ရမ်းကားမှုဒဏ်ကိုပြည်တွင်းမူဆလင်တွေကအစားဝင်ခံရခြင်းဖြစ်သည်။ 

ထို့ ကြောင့်ပြည်တွင်းနေမြန်မာ မူဆလင်(အဖွဲ့ အစည်း)များသည်မိမိတို့ နှင့် ရခိုင်ပြည်နယ်နေရိုဟင်ဂျာဆိုသူများဘာမှမပါတ်သက်ကြောင်း၊ သူတို့ ၏
ရက်စက်သောလုပ်ရပ်များကိုဆန့် ကျင်ကြောင်းကြေငြာ၍ပြတ်ပြတ်သားသား
ရပ်တည်ပြရန်လည်းလိုအပ်ပါလိမ့်မည်။ 

ကိုမြအေးတစ်ဦးတည်း - ပြဿနာဖြစ်လာပြီးမှ - သူ့ ရပ်တည်ချက်
ကြေငြာပေးတာကိုလက်ခံသော်လည်း မလုံလောက်ပါ။

အစိုးရသစ်အနေနှင့်လည်းပြဿနာကိုသမရိုးကျအုပ်ချုပ်ရေးနည်းများ 
(administrative measures) ဖြင့် ဖြေရှင်း၍မရလျှင် ယခင်အစိုးရဟောင်း
လက်ထက်ကလိုစစ်တပ်ကို အားကိုးမည့်အစားလူထုခေါင်းဆောင်များ၊
ဒီမိုကရေစီခေါင်းဆောင်အဖြစ်သတ်မှတ်ခံနေရသူများနှင့်
လူမျိုးစုခေါင်းဆောင်ဆိုသူများကပါပူးပေါင်းပါဝင်၍ဖြေ 
ရှင်းပေးကြရန်အစိုးရကကမ်းလှမ်းသင့်ပါသည်။ 

လိုအပ်မည်ထင်ပါကသူတို့ အားလုံးပါဝင်သည့်
အမျိုးသားညီညွတ်ရေးကော်မတီကြီးတစ်ခုအစိုးရက 
ကမကထပြုဖွဲ့ စည်း၍ယခုကိစ္စကိုကိုင်တွယ်နိုင်သည်။

ဘာသာရေးခေါင်းဆောင်များ၊ သာသနာ့ဝန်ထမ်းများကိုတော့မထည့်သင့်ပါ။ 

[ယခုပြဿနာသည်ဘာသာရေးပဋိပက္ခသဘောဆောင်လာနိုင်သည့်အတွက်

ဘာသာရေးဝန်ထမ်းတွေပါလာလျှင်ပို၍ကောင်းဘို့  ထက်ပိုဆိုးဘို့ ကသာ၍များပါသည်။] 

နိုင်ငံရေးကိစ္စတွင်ဘာသာရေးကိုအသုံးချမိလျှင်နောင်အခါ
သူတို့ ကိုတားဆီး၍ရနိုင်လိမ့်မည်မဟုတ်ပါ။   

မြန်မာသံတော်ဆင့်