“ လူနည်းစု - လူများစု ” ခွဲခြားခြင်း၏အန္တရယ်

ရခိုင်ပြည်နယ်အရေးအခင်းနှင့်ပါတ်သက်၍အနည်းငယ်မှအပ
အများစုကကိုယ့်စိတ်ထည်းမှာရှိသည်ကိုမပြောဘဲပြောသင့်ပြော
ထိုက်သောစကားများကိုသာပြောခဲ့ကြသည်ဟုယူဆသည်။

  

ချီးကျူးသင့်သလား - ရှုံ့ချသင့်သလား။
ဤမေးခွန်းကိုမူ တစ်ဦးချင်းစီကိုယ်ကြိုက်သလိုဖြေကြဘို့ ဖြစ်သည်။

‘ဒီမိုကရေစီနိုင်ငံရေး’ အတွက် “လူလိမ္မာများ” လိုအပ်ပါသည်။

သို့ သော်တခါတရံတော့  “လူမိုက်အလိုရှိသည်” ဆိုသောဆိုင်းဘုတ်ဟောင်း 

ကိုလည်းချောင်ထည်းမှဆွဲထုပ်၊ ဖုံသုတ်ကာအသုံးပြုဖို့ လိုအပ်လာတတ်သည်။   

ရခိုင်အရေးအခင်းသည်မြန်မာနိုင်ငံရေးသမားများ၏အတွင်းသဘောနှင့်နိုင်ငံရေး

အရည်အချင်းကိုစာမေးပွဲစစ်လိုက်သလိုဖြစ်သည်။

အစိုးရဆန့် ကျင်ရေးမှတပါးတခြားဘာမှမလုပ်တတ်
မလုပ်ချင်သူများက ‘ထောင်ချောက်’ ဖြစ်နိုင်တယ်ဟူသော
conspiracy theory ဟောင်းကိုဆွဲထုတ်လာလေသည်။

ဘာထောင်ချောက်လဲ - ဘယ်သူကဆင်သလဲ - ဘာကြောင့်ဆင်သလဲ။
ဘာမှအကျယ်တ၀င့်ရှင်းမပြနိုင်ချေ။

အစိုးရမှာတာဝန်ရှိနိုင်ပါသည်။ ရှိပုံမှာပြသနာဖြစ်ရခြင်းအတွက်မဟုတ်
ပြသနာကိုဖြေရှင်းပုံ၊ဖြေရှင်းနည်းနေရာ

မကျလျှင်တာဝန်လာရှိမည်ဖြစ်သည်။ 

မည်မျှချမ်းသာ၊ မည်မျှပညာတတ်၊ မည်မျှခေတ်မှီသည့်လုံခြုံရေးစံနစ်ရှိ သည့်နိုင်ငံဖြစ်နေပါစေလူယုတ်မာများကိုမတားဆီးနိုင်ပါ၊ တစ်ချိန်မဟုတ် တစ်ချိန်တော့အလစ်အငိုက်မိခံကြရတာချည်းဖြစ်သည်။

မနှစ်ကနော်ဝေနိုင်ငံတွင်အကြမ်းဖက်သမားတစ်ဦးတည်းက
လူ ၉၀ ကျော်ကိုသတ်ဖြတ်ခဲ့သည်။ 
ထို့ အတွက်နော်ဝေအစိုးရကိုအပြစ်မဖို့ နိုင်ပါ။

ယခုသုံးသပ်ချက်သည်ရခိုင်အရေးအခင်းအကြောင်းမဟုတ်ပါ။ ရခိုင်ကိစ္စအပေါ် နိုင်ငံရေးလောကသားများ၏တုန့် ပြန်ချက်ကိုနားထောင်၍
caliber တွေကို အကဲခပ်ခြင်းသာဖြစ်သည်။ 

အလုံးအရပ်ချင်းယှဉ်လျှင်ကျန်(နိုင်ငံရေးသမား)အားလုံးသည်
‘လူပုကလေး’ တွေဖြစ်ကာဒေါ်အောင်ဆန်းစုကြည်က“မနှင်းဖြူ” ဖြစ်လေသည်။ 

ရခိုင်ကိစ္စတွင်ဒေါ်အောင်ဆန်းစုကြည်သည်သူမ၏လက်သုံးစကား

တရားဥပဒေအုပ်စိုးရေး (Rule of law) ကိုပင်ထပ်ပြောသွားသည်။

ထို့ နောက်သူမသည်မြန်မာမူဆလင်ခေါင်းဆောင်များနှင့်တွေ့ ဆုံရာတွင်

တရားဥပဒေစိုးမိုးရေးအပြင်အခြား (နှစ်သိမ့်) စကားတစ်ခွန်းကိုလည်းပြောခဲ့သည်။

“… ..လူများစုဆိုတာဟာလူနည်းစုအပေါ်မှာဂရုဏာထားတတ်ရမယ်။ …… … လူများစုဆိုတာဟာကိုယ့်ရဲ့အင်အားကရှိပြီးသား၊ ကိုယ့်ရဲ့အများစုအင်အားကရှိပြီးသားမို့လို့ ပိုပြီးတော့သဘောထားကြီးနိုင်ရမယ်။ ပိုပြီးတော့ဂရုဏာတရားထားနိုင်ရမယ်။
အဲဒီတော့ကျမတို့နိုင်ငံမှာရှိတဲ့ဘာသာမရွေး၊ လူမျိုးမရွေးပြည်သူပြည်သားအားလုံး တယောက်နဲ့တယောက်ချစ်ချစ်ခင်ခင်နဲ့အေးအေးချမ်းချမ်းနေတာကိုကျမမြင်ချင်တယ်။”

သားနှစ်ယောက်၏မိခင်၊ကမ္ဘာ့ငြိမ်းချမ်းရေးနိုဘယ်ဆုရှင်၏ ‘ရွှေပြည်အေး’ 
တရားဖြစ်လေသည်။ ညီအစ်ကို ရန်ဖြစ်ကြရာမိခင်ကြီးကအစ်ကိုဖြစ်သူအား 

အငယ်ကောင်ဘာဘဲလုပ်လုပ်-အကြီးဖြစ်သူကအမြဲသီးခံရမည် 
ဟုဆုံးမပုံမျိုးဖြစ်လေသည်။

ဒေါ်အောင်ဆန်းစုကြည်သည်မြန်မာနိုင်ငံသာမကကမ္ဘာအဆင့်ရှိသြဇာအရှိန်

အ၀ှာကြီးသောနိုင်ငံရေးခေါင်းဆောင်ဖြစ်လေသည်။ ဒီကနေ့ သူမပြောသော စကားတစ်ခွန်းကိုနောက်နေ့ ကမ္ဘာသတင်းစာကြီးငယ်တို့ ကအရေးတယူ
ဖေါ်ပြတတ်ကြသည်။သူမ၏စကားတစ်ခွန်းသည်အလွန်တာသွားသောကြောင့်
ကျွန်ုပ်တို့ အဖို့ လျစ်လျှူရှုမထားနိုင်၊ သုံးသပ်ကြည့်ရန်လိုအပ်သည်။

သူမ၏အလိုအရမြန်မာနိုင်ငံတွင်မူဆလင်များသည်လူနည်းစုဖြစ်၍

ဗုဒ္ဓဘာသာဝင်များသည်လူများစုဖြစ်သည်ဟုဆိုလိုပုံရသည်။

နိုင်ငံ၏လူဦးရေ (population)ကိုလူနည်းစုများနှင့်လူများစု
ဟူ၍ှနှစ်ပိုင်းခွဲခြား၍ကြည့်မြင်လေသည်။

ဤ "လူနည်းစု/လူများစု-ခွဲခြားမှု"ကိုမစစ်ဆေးဘဲအမှတ်တမဲ့လက်ခံထားမိသူ 

လူပြိန်းတစ်ဦး၏အမြင်တွင် ‘လူများစု’ (တွေ)ကအိမ်ရှင်ဖြစ်နေကြသလိုလို၊ 
‘လူနည်းစု’(တွေ)က ဧည့်သည်တွေ - အိမ်ငှားတွေလိုလိုဖြစ်လာနိုင်သည်။ 

ကျွန်ုပ်တို့ သည်တစ်ခါတရံ “ဒို့ တိုင်းပြည်မှာနေ-ဒို့ ထမင်းကိုစားပြီး-ဒို့ ကိုစော်ကားသည်။” ဟူသောအပြောအဆိုမျိုးသုံးစွဲတတ်ကြားကြရတတ်သည်။ ဤစကားတွင် 

“ငါတို့ ကအိမ်ရှင်၊သူတို့ ကဧည့်သည်”ဟူသောဓါတ်ခံပါနေသည်။
“သူတို့ ”ဆိုသည့်ရည်ညွှန်းခံအုပ်စုသာအချိန်အခါအလိုက်ပြောင်းနေလိမ့်မည်။

ထို “သူတို့ ”သည်အချိန်တစ်ချိန်တွင်‘ကုလားတွေ’ဖြစ်နေပြီး၊ နောက်တစ်ချိန်တွင် ‘တရုပ်တွေ’ ဖြစ်နေတတ်သည်။ လောလောဆယ်တော့ ‘ရိုဟင်ဂျာ’ ဆိုသူတွေဖြစ်နေသည်။
[‘ကုလား’ဟူသောအသုံးအနှုံးကိုအရပ်သားပြော colloquial term အဖြစ်သုံးထားသည်။

Negative connotations မပါ-ပါ။ ]

မျက်မှောက်ခေတ်သမတနိုင်ငံ(Republic)များတွင်တရားဝင်
မှီတင်းနေထိုင်ကြသောလူဦးရေတစ်ရပ်ကိုနိုင်ငံတော်နှင့်နိုင်ငံသားများ
(state and citizens) ဟူ၍သာပိုင်းခြား၍သတ်မှတ်ရပါမည်။
နိုင်ငံသားထု (citizenry) ကိုထပ်၍မခွဲစိပ်သင့်တော့ပါ
သို့ မှသာဥပဒေ၏ရှေ့ မှောက်တွင်အားလုံးတန်းတူကြမှာဖြစ်ပါသည်။ (equal before the law)။
အားလုံးတတန်းတည်းထားမှသာဥပဒေကအုပ်စိုးနိုင်ပါလိမ့်မည်။(Rule of law)

မြန်မာမူဆလင်များကိုမေးကြည့်ပါ။ သူတို့ ကိုလူနည်းစုအဖြစ်သတ်မှတ်၍ (ဗမာ/ဗုဒ္ဓဘာသာ)လူများစုထက်ပို၍အထူးအခွင့်အရေးပေးစေချင်သလား။ 
သို့ မဟုတ်ဗမာနှင့်ကျန်လူမျိုးတွေအားလုံးနည်းတူနိုင်ငံသားများ (citizens) အဖြစ်တတန်းတည်းထားသတ်မှတ်၍အခွင့်အရေးတန်းတူပဲလိုချင်သလား။

ဆရာကြီးဦးရာဇတ်အားဗိုလ်ချုပ်အောင်ဆန်းကမြန်မာမူဆလင်များ

အတွက်ကောပြည်နယ်လိုချင်သလားဟုမေးခဲ့သည်ဟုဖတ်ဘူးပါသည်။ 

ဦးရာဇတ်ကမလိုချင်ပါ။ ဗမာတွေနဲ့ တန်းတူရည်တူနိုင်ငံသားတွေအဖြစ်နှင့်
သာအများနည်းတူနိုင်ငံအနှံ့ ကိုယ်နှစ်သက်ကြရာနေရာတွေမှာလွပ်လပ်စွာ

အခြေစိုက်နေချင်ကြောင်းပြန်ဖြေသည်ဟုဖတ်ရဘူးပါသည်။

[ဦးရာဇတ်အမြော်အမြင်ကြီးပါပေသည်။ သူသာဂျင်းနား (Ali Jinner) လို မူဆလင်ပြည်နယ်တစ်ခုသတ်သတ်ယူခဲ့လျှင်မြန်မာမူဆလင်တွေသည် - အိန္ဒိယလွပ်လပ်ရေးယူစဉ်တုံးကပါကစ္စတန်ဘက်ပြောင်းကြရသလိုပြောင်း

ရွှေ့ ပေးရပြီးကနေ့ ဘူးသီးတောင်၊ မောင်းတောလိုနေရာမျိုးလောက်မှာ
ပင်ပြွတ်သိပ်၍ကျပ်တည်းစွာနေကြရပေလိမ့်မည်။]

အပိုင်း (၂)

မြန်မာမူဆလင်တွေဟာလက်တွေ့ မှာလူဦးရေအရဗမာ(ဗုဒ္ဓဘာသာ)တွေ ထက်လူဦးရေနည်းမနေဘူးလား၊ ဒေါ်အောင်ဆန်းစုကြည်ပြောတာမမှားဘူး
ဟုငြင်းခုံကောင်းငြင်းခုံကြလိမ့်မည်။

ကျနော့်အမြင်တွင်သူမ မမှားသလို မှန်လည်းမမှန်ဘူးဟုသာပြောလိုသည်။

“လူနည်းစု” ဟူသောသတ်မှတ်ချက်ကိုနှိုင်းရသဘောအရဖြစ်သောလူနည်းစု
(relative minority) နှင့် ပကတိလူနည်းစု (absolute minority) ဟူ၍ထပ်
ခွဲခြားနိုင်သည်။ လူဦးရေ ၅၆ သန်းခန့် (အစိုးရစာရင်း) ရှိသောမြန်မာပြည်
တွင်မြန်မာမူဆလင် (မြန်မာမူဆလင်မိတ်ဆွေရင်းတစ်ဦး၏ခန့် မှန်းချက်အရ
ရှစ်သန်းလောက်ရှိပါသည်။) 

တနိုင်ငံလုံးအနှံ့ ကျန်လူများနှင့်ရောနှောနေ သောကြောင့်၊သီးသန့် 
တနေရာတည်းမှာတစုတဝေးတည်းမမြင်ရ၍သာနည်းသည်ဟုထင်ရသည်။
စင်စစ်တစ်နိုင်ငံလုံးရှိမြန်မာမူဆလင်ဦးရေသည်တစ်နိုင်ငံလုံးနေ
ရခိုင်လူမျိုးဦးရေထက်ပိုများပါသည်။

ထို့ နည်းတူဗမာမှအပကျန်အခြားတိုင်းရင်းသားလူမျိုးစုများ
(ဥပမာ ကချင်၊ ချင်း၊ မွန်၊ ရှမ်း၊ ၀၊ တရုပ်၊ ဟိန္ဒူ) တို့ ထက်လည်းလူဦးရေပိုများသည်။ ထို့ ကြောင့်မြန်မာမူဆလင်များသည်(ဗမာများနှင့်သာ)နှိုင်းရသဘောအရလူနည်းစုဖြစ်ကြသည်။
တကယ့်ပကတိသဘော(in absolute term) အရတော့လူနည်းစုမဟုတ်။ 

ထို့ ကြောင့်မြန်မာမူဆလင်များကိုယ်တိုင်ထံမှသူတို့ ကိုယ်သူတို့ 
လူနည်းစုတွေပါဟုပြောကြသံမကြားရပါ။ နှိုင်းရသဘောကိုဖယ်၍
တကယ့်အနေအားဖြင့်ကြည့်လျှင်သူတို့ သည်အပေါ်ယံကြည့်
ယုံဖြင့်မမြင်ရသောလူများစု (invisible majority)တစ်ခုဖြစ်နိုင်သည်။

ကမ္ဘာ့သမိုင်းကိုခြေရာကောက်ကြည့်သောအခါ‘လူနည်းစု-လူများစု’
ခွဲခြားခြင်းသည်နယ်ချဲ့ သမား၏အင်ပါယာစံနစ် (imperialism)
တွင်မြစ်ဖျားခံနေသည်ကိုတွေ့ ရပါလိမ့်မည်။ (Ref: Wikipedia)

ရောမအင်ပါယာရှင်ဆီဇာခေတ်၊ ထို့ နောက်ပြင်သစ်ဧကရာဇ်နပိုလီယံ တို့ မှစ၍နောက်ပိုင်းဗြိတိသျှအင်ပါယာတည်ဆောက်သူများအထိ

ကိုလိုနီနိုင်ငံများတွင်အုပ်စိုးခံများအားအကြောင်းပြချက်တစ်ခုခုဖြင့်

လူများစုနှင့်လူနည်းစု(များ)ဟူ၍ ၂ပိုင်းခွဲ၍အုပ်ချုပ်ခဲ့ကြသည်။
ဤသည်ကိုခွဲခြား၍အုပ်စိုးခြင်း (divide and rule) ဟူ၍လည်းသိကြသည်။

“လူနည်းစု”ဟူ၍အင်ပါယာကိုအုပ်စိုးသူကရွေးချယ်သတ်မှတ်ခံရသူလူမျိုးတစ်ခုသည်
ခေတ်မှီအုပ်ချုပ်ရေးပညာ၊ စစ်ပညာများလေ့ကျင့်သင်ကြားပေးခံရ၍၄င်းတို့ 
ကိုလက်ကိုင်ပြု (proxy) ကာ - လူများစုများကိုအုပ်စိုးလေသည်။
ထို့ ကြောင့် လူနည်းစု/လူများစုခွဲခြားခြင်းသည်အုပ်စိုးသူ၏အလုပ်ဖြစ်သည်။

ထပ်၍သတိပြုစရာမှာလူနည်းစုကိုသတ်မှတ်ရာ၌ တကယ့်ပကတိလူနည်းစု 

(absolute minority) စစ်စစ် တစ်ခုကိုအုပ်စိုးသူကမရွေးချယ်ပါ။ အကြောင်း မှာတကယ့်ပကတိလူနည်းစုတစ်ခုသည်လူဦးရေအလွန်နည်းလွန်းနေ
အလွန်လည်းခေတ်နောက်ကျနေတတ်၍ဖြစ်ပါသည်။အသုံးမတည့်ပါ။ 
ထို့ ကြောင့်လူများစုနှင့်နှိုင်းယှဉ်ချက်အရသာလျှင်လူနည်းစုဖြစ်နေသော
အခြားအုပ်စုတစ်ခုခုကိုရွေးချယ်တတ်ပါသည်။

ကိုလိုနီခေတ်မြန်မာနိုင်ငံတွင်ဗမာလူများစုနှင့်နှိုင်းယှဉ်လျှင်ရှမ်းများ၊ မွန်များ၊ ရခိုင်များသည်လည်းလူနည်းစုများပင်ဖြစ်သော်လည်းသူတို့ သည်ဗမာများနှင့် ကိုးကွယ်ရာဘာသာချင်းတူနေသဖြင့်ဘာသာရေးအရလူနည်းစု 
(religious minority) မဟုတ်ကြ။ 

ထို့ ကြောင့်ဗမာမဟုတ်၊ ဗုဒ္ဓဘာသာလည်းမဟုတ်သောအခြား“လူနည်းစု” တစ်ခုကိုသာရွေး၍လက်စွဲပြုသွားသည်ကိုတွေ့ ရမည်ဖြစ်ပါသည်။ 

ထို့ ကြောင့်လူနည်းစု (minority) ဆိုသည်မှာနယ်ချဲ့ သမားကသူ
အသုံးချရန်တီထွင်ခဲ့သောနိုင်ငံရေးထွင်လုံး (political construct)
တစ်ခုလည်းဖြစ်သည်။

ကိုလိုနီနိုင်ငံများလွတ်မြောက်လာချိန်တွင်ထိုသို့ လူနည်းစုအမည်တပ်ကာ

အသုံးချခံရသည့်လူမျိုးစုသည်နယ်ချဲ့ သမားကိုယ်စားလက်စားချေခံရသည့်ဖြစ်
ရပ်များနိုင်ငံအများအပြားတွင်ဖြစ်ခဲ့လေသည်။ အာဖရိကတိုက်ရှိရ၀မ်ဒါနိုင်ငံ 

(Rawanda) တွင်ဟူတူ(Hutu)လူများစုကဘယ်လ်ဂျီယံနယ်ချဲ့ သမား
ကမြှောက်စား၍အသုံးချခံရသောတွတ်ဆီ (Tutsi) လူနည်းစုဝင်

လူဦးရေသန်းတစ်ဝက်လောက်ကိုမျိုးတုံးနီးပါးသတ်ဖြတ်ခဲ့သည်။

ဤလူနည်းစု-လူများစုခွဲခြားသတ်မှတ်၍အုပ်စိုးခြင်းသည်ကိုလိုနီများအားလွပ်
လပ်ရေးပေးရချိန်အထိအသုံးတည့်လှသည်။ အိန္ဒိယပြည်ကိုလွပ်လပ်ရေးပေး
ချိန်တွင်မူဆလင်လူနည်းစုကိုဟိန္ဒူလူများစုကအနိုင်ကျင့်လိမ့်မည်ဟူသော

ဗြိတိသျှအစိုးရ၏ချောက်လှန့် ချက်ကိုမူဆလင်ခေါင်းဆောင်မိုဟာမက်

အလီဂျင်နားကနားယောင်သွားသဖြင့်ပါကစ္စတန်ဟူသောအမည်ဖြင့်

သီးခြားနိုင်ငံတစ်ခုခွဲထောင်သွားလေသည်။

စင်စစ်အိန္ဒိယဘက်ခြမ်းတွင်ကျန်ရစ်သောမူဆလင်

လူဦးရေသည်ပါကစ္စတန်ထက်ပိုများပါသည်။
ယနေ့ အထိလည်းထိုအတိုင်းပင်။

[အကယ်၍သာထိုအချိန်က (၁၉၄၇) ပါကစ္စတန်နိုင်ငံဟူ၍ခွဲမထွက်ခဲ့လျှင်
၁၉၇၀ ခုနှစ်တွင်ဘင်္ဂလားဒက်ရ်ှဟူသောနိုင်ငံသစ်တစ်ခုထပ်၍ပေါ်လာစရာ
အကြောင်းမရှိ။ ထိုသို့ ဆိုလျှင်အိန္ဒိယနိုင်ငံ၏ ဧရိယာသည်ယခုထက်
အများကြီးပိုကျယ်ဝန်းနေမည်ဖြစ်သည်။ မြန်မာနိုင်ငံအဖို့ လည်းခိုးဝင်လာမည့် 
ဘင်္ဂလီများပြဿနာယခုလောက်ကြီးလိမ့်မည်မဟုတ်။ ဘင်္ဂလားဒက်ရ်ှနိုင်ငံ 
သားများသည်မြန်မာဘက်ကိုသာတရားမ၀င်ခိုးဝင်နေသည်မဟုတ်အိန္ဒိယ 
ဘက်ခြမ်း(အနောက်ဘင်္ဂလားနယ်ထည်း)သို့ လည်းခိုးဝင်နေကြသည်။ 
လူမျိုး၊ဘာသာစကားချင်းတူနေသဖြင့်ဦးရေအားဖြင့်မြန်မာထည်းဝင်သည့်
ထက်ပင်ပိုများသေးသည်။]

[နောက်လအနည်းငယ်အကြာမြန်မာနိုင်ငံကိုလွပ်လပ်ရေးပေးရချိန်
တွင်လည်းဤလူနည်းစု/လူများစုသွေးခွဲနည်းကိုဗြိတိသျှအစိုးရက

အသုံးပြုရန်ကြိုးစားသေးသော်လည်းမြန်မာအမျိုးသားခေါင်းဆောင်အား

လုံးတို့ ၏အမြင်ကျယ်မှုကြောင့်မအောင်မြင်ခဲ့။]

ထို့ ကြောင့် နိုင်ငံတစ်နိုင်ငံအတွင်းရှိနိုင်ငံသားများကိုလူနည်းစု/လူများစုဟူ၍ ထပ်မံခွဲခြားသည့်နယ်ချဲ့ စံနစ်၏လက်ကျန်အလေ့အကျင့်တစ်ခုကိုမသိသား
ဆိုးဝါးစွာဆက်သုံးနေမိခြင်းကိုသတိပြုမိဘို့ ကြလိုသည်။ 

ဤခွဲခြားမှုကြောင့်ကောင်းဖို့ ထက်ဆိုးဖို့ ကပိုများပါသည်။

ဒေါ်အောင်ဆန်းစုကြည်လိုနိုင်ငံရေးသြဇာကြီးသူတစ်ဦးကိုယ်တိုင်က

‘လူနည်းစု-လူများစု’ခွဲခြားပြမှုကြောင့်နိုင်ငံသားများ (citizens) သည်မိမိတို့  

ကိုယ်ကိုလူနည်းစုဝင်လော - လူများစုဝင်လောဆန်းစစ်၍အုပ်စုတစ်ခုခု
ဝင်ဖြစ်သည်ဟုယုံကြည်သွားကြလိမ့်မည်။ထိုအခါ -

-        

   လူများစုထည်းကရမ်းကားလိုသူများကိုတက်ကြွလာစေသည်။
အသားလွတ် - အကြောင်းမဲ့ - မောက်မာလာစေသည်။

-        လူများစုထည်းကသာမန်လူများကိုမူ ‘လူများစုဖြစ်နေတာနဲ့ ပဲ
အရာရာကိုအလျှော့ပေးသီးခံနေရတော့မှာလား’ဟူသောမေးခွန်း

    ဖြင့်ထာဝစဉ်ဘ၀င်မကျဖြစ်နေစေသည်။

-       လူနည်းစုထည်းမှရမ်းကားလိုသူများကိုထာဝစဉ်တပ်လှန့် ပေး
ထားရာကျသည်။တစ်ချို့ ကိုစစ်သွေးကြသူများ(militants) ဖြစ်လာစေသည်။

    ပြဿနာကိုလိုတာထက်ပို၍တုန့် ပြန်စေသည် (over-reaction)

-       သွေးရိုးသားရိုးဖြစ်ရပ်များကိုပင်အဓိပ္ပါယ်ကောက်လွဲစေသည်။
(ဥပမာ ကိုမြအေးပြောသော ‘ထောင်ချောက်’)

-       လူနည်းစုထည်းမှသာမန်လူများကိုထာဝစဉ်ထိပ်လန့် နေစေသည်။
အားကိုးရာအဖြစ်နိုင်ငံတော်အစိုးရ(law and order enforcement agencies)ကိုအားကိုးသူနှင့်အစွန်းရောက်များကိုအားကိုးမိသူ
ဟူ၍နှစ်ပိုင်းကွဲထွက်သွားစေသည်။ (အစွန်းရောက်သူများမိမိတို့ ၏
သွေးသားထည်းမှာရှိလျှင်) သူတို့ ၏ခံစားချက်များ(ဒုက္ခများ)ကို
နားလည်စာနာမိရာမှနောက်ဆုံးအားကိုးမိ/ကူညီမိသွားတတ်သည်။

-        တိုင်းပြည်ကိုအုပ်ချုပ်သူအစိုးရအနေဖြင့် “လူနည်းစု-လူများစု”
အစွဲ (prejudice) ၀င်နေပြီးသားလူထုကိုအုပ်ချုပ်ရအလွန်ခက်သည်။
ဘက်လိုက်သည်’ ဟူသောစွပ်စွဲချက်နှင့်အမြဲရင်ဆိုင်နေရမည်။

-        အစိုးရကိုယ်တိုင်ကနိုင်ငံတော်အာဏာ၌တရားဝင်မှုပြဿနာနှင့်ရင်ဆိုင်
(when its legitimacy in power is questionable) နေရလျှင်ပို၍ခက်သည်။
လတ်တလောရခိုင်အရေးတွင်ဒေါ်စု၏ “လူနည်းစု”ကိုကြင်နာပါဟူသော

စကားနောက်ကစေတနာကိုသိပါသည်။ သို့ သော်ထိုစကားသည်နိုင်ငံရေး
အရမှားယွင်းသောအဓိပ္ပါယ်သတ်မှတ်ချက်တစ်ခုအပေါ်အခြေစိုက်
ထားသည်ကိုတော့လက်ခံ၍မဖြစ်နိုင်။

မြန်မာမူဆလင်များသည်အထက်ကတင်ပြခဲ့သောအချက်များအရ

မြန်မာနိုင်ငံတွင်တကယ့်အရှိအဖြစ်အရလူနည်းစုမဟုတ်ပါ။
သူတို့ သည်အခြားသူများနည်းတူ“နိုင်ငံသားများ”(citizens)သာဖြစ်ကြပါသည်။ အခြားသူများထက်ဘာအခွင့်အရေးမှလည်းပို/လျှော့ယူချင်ကြလိမ့်မည်မဟုတ်ပါ။ 

အထူးသဖြင့် “လူနည်းစု” အဖြစ်သတ်မှတ်ခံ၍ “လူများစု”၏
မဟာဂရုဏာတော်အောက်တွင်နေလိုကြလိမ့်မည်မဟုတ်ပါ။ 

ဤသို့ နေကြလျှင်လည်းဒုတိယတန်းစားနိုင်ငံသားတွေ 

(second class citizens) ဖြစ်ကုန်ကြလိမ့်မည်။ 
ထို့ ကြောင့်သူတို့ ကို “လူနည်းစု”ဟုသတ်မှတ်၍ဆက်ဆံခြင်းကို
သူတို့ ကိုယ်တိုင်ကနှစ်သက်ကြလိမ့်မည်မဟုတ်ပါ။

နိုင်ငံရေးတွင်လူနည်းစုအခွင့်အရေးများ (minority rights)
ကိုကာကွယ်ပေး ထားသောနေရာတစ်ခုတော့ရှိပါသည်။
ပါလီမန်အတွင်း၌ဖြစ်သည်။ လူများစု၏ဆန္ဒတိုင်းကိုဒီမိုကရေစီကို
အသုံးချ၍လူနည်းစုအပေါ်အတင်းအဓမ္မပြဌန်းယူတာ
(Tyranny of majority) မဖြစ်အောင်အထူးကိစ္စအနည်းငယ်
တွင်ဥပဒေဖြင့်ကြိုတင်တားဆီးပေးထားသည်။ 

သို့ သော်ချွင်းချက်သာဖြစ်၍ပုံမှန်အားဖြင့် ဒီမိုကရေစီ၏

တရားကိုယ်ဖြစ်သော “အများစုဆန္ဒအတည်” (majority rule)
ကိုအပျက်အစီးမခံပါ။

မြန်မာစကားတွင် “ဆင်သွားရင်လမ်းဖြစ်သည်”ဟူသောစကားတစ်ခွန်းရှိသည်။ သို့ သော်ဆင်ကန်းတောတိုးသလိုသွားသည့်နောက်ကိုလိုက်လို့ လည်းမဖြစ်။
လူနည်းစု-လူများစုခွဲခြားခြင်းသဘောအရသာဆိုလျှင်

ဗမာတွေနှင့်နှိုင်းစာလျှင်ကျန်လူတိုင်းသည်လူနည်းစုတွေဖြစ်ကုန်သဖြင့်

သိမ်မွေ့ သောနည်းဖြင့်ဗမာနှင့်ဗမာမဟုတ်သူတိုင်းကို
‘ရန်ဘက်’အနေအထားမှာ "တည်" ထားပေးလိုက်သလိုဖြစ်နေသည်။

ဖြစ်သင့်သည်မှာလူမျိုး၊ ဘာသာကိုးကွယ်မှု လူဦးရေစသည့်သတ်မှတ်ချက်တွေမရှိ၊ လူတိုင်းကိုအားလုံးတန်းတူနိုင်ငံသား(citizens) တွေချည်းအဖြစ်ရှုမြင်ရမည်ဖြစ်သည်။

ဤသည်မှာဒီမိုကရေစီ၏အုပ်မြစ်ဖြစ်သောလူကို‘လူသက်သက်’အဖြစ်သာ
သတ်မှတ်သောတစ်သီးပုဂ္ဂလလူသားဝါဒ (individualism)နှင့်လည်းကိုက်ညီသည်။

ဒီမိုကရေစီသည်လွပ်လပ်မှု၊ တသီးပုဂ္ဂလ၀ါဒနှင့်အကန့် သတ်ခံအစိုးရ 

(Liberty, individualism and limited government) ဆိုသည့်ဒေါက်
သုံးခုအပေါ်အခြေပြုသည်ဟုအမေရိကန်ဒီမိုကရေစီကိုနေရာတကျပြန်ထားရန်
အားထုတ်နေသူအောက်လွှတ်တော်အမတ်ရွန်ပေါလ် (Ron Paul - Rep./Texas) ကပြောသည်။

နိဂုံးချုပ်ရလျှင်ယခုသုံးသပ်ချက်၏အစတွင်ပြောခဲ့သည့်အတိုင်းရခိုင့်အရေး
(ကျွန်ုပ်တို့ ခေတ်၏ဓည၀တီအရေးတော်ပုံ) သည်မြန်မာနိုင်ငံရေးသမားတွေ
ကိုရှေ့ ခရီးအတွက်အရည်အချင်းစစ် ‘ပထမအစမ်း - စာမေးပွဲ’လိုဖြစ်နေသည်။

အာဏာရှင်ခေတ်တလျှောက်အစိုးရဆန့် ကျင်ရေးနိုင်ငံရေးတစ်မျိုးတည်း ကိုလုပ်တတ်ရုံဖြင့်နေရာရခဲ့သောသူများသည်ရှေ့ တွင်လာမည့်အမျိုး
မျိုးထွေပြားသောစိန်ခေါ်မှုများ(diverse challenges)

အတွက်အရည်အချင်းသစ်များထပ်ဖြည့်ကြဘို့ လိုနေသည်။

ယခုအခါ နိုင်ငံရေးသမားများအနောက်ဒီမိုကရေစီနိုင်ငံများသို့ နိုင်ငံရေးလေ့
လာရေးခရီးများထွက်နေကြသည်။အလွန်ကောင်းသောအစီအစဉ်တစ်ခုဖြစ်သည်။
သို့ သော်မိမိတို့ မှာ“ဓါတ်ခံကောင်း”ရှိပြီးသားဖြစ်နေဘို့ တော့လိုမည်။
သို့ မဟုတ်လျှင်ပြည်ပကိုအထင်ကြီး၊ ပြည်ပကညွှန်ကြားချက်တွေကို
ဦးထိပ်ရွက်ကာပြန်လာကြလိမ့်မည်။

လတ်တလောရခိုင်ကိစ္စကဲ့သို့ ပူပူနွေးနွေးလည်းဖြစ်၊ အမျိုးသားလုံခြုံရေးကိစ္စ

(national security issue) ကကျန်ကိစ္စများကိုကျော်လွှားတက်လာသောအခါ မျိုးတွင်ဘက်လိုက်သောရပ်တည်ချက်များ၊ မေးခွန်းများနှင့်ရင်ဆိုင်ရဘို့ ရှိသည်။ 

ဥပမာဘိလပ်သို့ တစ်ခေါက်ပြန်မည့်ဒေါ်အောင်ဆန်းစုကြည်အား
Burma Campaign UKလိုအဖွဲ့ မျိုးတွေနှင့်ရိုဟင်ဂျာဆန့် ကျင်ရေး
အမျိုးသားရေးအုပ်စုတွေကစိတ်အားထက်သန်စွာဖြင့်စောင့်နေကြပါလိမ့်မည်။

ကျွန်ုပ်တို့ ခေတ်“ဓည၀တီအရေးတော်ပုံ”သည်“လူပုကလေးများ”အတွက်
အစမ်းစာမေးပွဲဖြစ်ပေမည့် “မနှင်းဖြူ” အတွက်မူ စာမေးပွဲကြီးဖြစ်နိုင်သည်။

မြန်မာသံတော်ဆင့်